1 Pwofesi pawòl SENYÈ a konsènan Israël la. Konsa pale SENYÈ ki etann syèl yo a, ki poze fondasyon latè yo, e ki ✡ És 57:16 kreye lespri a lòm nan anndan l lan. 2 “Gade byen, Mwen ap fè Jérusalem vin yon tas ki va fè tout pèp ki antoure l yo vin toudi. Epi nan lè syèj la kont Jérusalem nan, li va vin osi, kont ✡ Za 14:14 Juda. 3 Li va vin rive nan jou sa a, ke Mwen va fè Jérusalem vin yon ✡ Dan 2:34,35,44,45 wòch ki lou pou tout pèp yo. Tout ki vin leve l va vin blese grav. Epi tout nasyon latè yo va rasanble ansanm kont li. 4 Nan jou sa a,” deklare SENYÈ a: “Mwen va frape tout cheval yo pou l dezoryante, e chevalye yo avèk foli. Men Mwen va ouvri zye Mwen sou lakay Juda, pandan Mwen ap frape tout cheval a pèp nasyon yo pou yo vin avèg. 5 Konsa, tout chèf a Juda yo va di nan kè yo: ‘Moun ki rete Jérusalem yo se fòs mwen nan SENYÈ dèzame yo, Bondye pa yo a.’

6 Nan jou sa a, Mwen va fè chèf Juda yo vin tankou yon gwo boukan dife pami mòso bwa yo, ak yon tòch k ap fè flanm dife pami pakèt sereyal yo. Yo va devore tout pèp ki ozanviwon yo, ni sou men dwat yo ni sou men goch yo pandan ✡ Za 2:4 sila ki rete Jérusalem yo va toujou demere nan pwòp lye pa yo Jérusalem.

7 SENYÈ a va osi ✡ Jr 30:18 sove anpremye tant a Juda yo, pou glwa kay David la, e glwa a sila ki viv rete Jérusalem p ap depase Juda. 8 Nan jou sa a, SENYÈ a va ✡ Jl 3:16defann moun Jérusalem yo. Sila ki fèb pami yo nan jou sa a va tankou David, e kay David la va tankou Bondye, tankou ✡ Egz 14:19 zanj SENYÈ a devan yo. 9 Epi nan jou sa a, Mwen va ✡ Za 14:2,3 kòmanse detwi tout nasyon ki vini kont Jérusalem yo.

10 Epi Mwen va ✡ És 44:3vide sou kay David la ak sou moun Jérusalem yo, Lespri a gras ak Lespri lapriyè pou mande mizerikòd. Konsa, yo va gade vè Mwen menm Sila ke yo te ✡ Jn 19:37 pèse a. Yo va soufri gwo doulè pou Li, tankou yon moun k ap fè dèy pou yon sèl fis li genyen, e yo va kriye anpil anpil sou Li jan yon moun ta kriye sou sèl fis inik li. 11 Nan jou sa a, va gen ✡ Mat 24:30 gwo doulè Jérusalem, tankou fè dèy pou Hadadrimmon nan vale Meguiddon an. 12 Peyi a va kriye, chak fanmi apa; fanmi lakay David la apa e madanm yo apa; fanmi lakay Nathan an apa e madanm yo apa; 13 fanmi lakay Levi apa e madanm yo apa; fanmi a Schimeï yo apa e madanm yo apa; 14 tout fanmi ki rete yo, chak fanmi apa e madanm yo apa.