Jenèz.
5.
Sa se liv jenerasyon Adan yo. Nan jou ke Bondye te kreye lòm, Li te fè l nan imaj Bondye. 
Li te kreye yo mal avèk femèl. Li te beni yo, e Li te rele yo Lòm. Sa vle di “Adam” nan jou ke yo te kreye a. 
Lè Adam te gen tan fin viv san-trant ane, li te vin papa a yon fis ki sanble nèt ak li, nan pwòp imaj pa l. Li te rele li Seth. 
Laj a Adam, lè l te fin fè Seth, se te uit-san ane, e li te gen lòt fis ak fi. 
Paske tout jou ke Adam te viv yo te nèf-san-trant ane. Konsa, li te vin mouri. 
Seth te viv san-senkant ane, e li te vin papa Énosch. 
Alò, Seth te viv uit-san-sèt ane apre li te vin papa Énosch, e li te gen lòt fis ak fi. 
Paske tout jou a Seth yo te nèf-san-douz ane, e li te vin mouri. 
Énosch te viv katre-ven-dis ane, e li te vin papa a Kénan. 
Epi Énosch te viv uit-san-kenz ane apre li te vin papa a Kénan, e li te fè lòt fis ak lòt fi. 
Alò, tout jou a Énosch yo te nèf-san-senk ane, e li te vin mouri. 
Kénan te viv pandan swasann-dis ane, e li te vin papa a Mahalaléel. 
Epi Kénan te viv uit-san-karant ane lè li te fin fè Mahalaléel, e li te gen lòt fis ak lòt fi. 
Alò, tout jou a Kénan yo te nèf-san-dis ane, e li te mouri. 
Mahalaléel te viv swasant senk ane, e li te vin papa Jred. 
Epi Mahalaléel te viv ui-san-trant ane apre li te vin papa Jred, e li te gen lòt fis ak fi. 
Alò, tout jou a Mahalaléel yo te ui-san-katre-ven-kenz ane, e li te vin mouri. 
Jred te viv san-swasann-de ane, e li te vin papa Hénoc. 
Alò, Jred te viv ui-san ane apre li te vin papa Hénoc, e li te gen lòt fis ak lòt fi. 
Paske, tout jou a Jred yo te nèf-san-swasann-de ane, e li te vin mouri. 
Hénoc te viv swasann-senk ane, e li te vin papa Methuschélah. 
Alò, Hénoc te mache ansanm avèk Bondye pandan twa san ane apre li te vin papa a Methuschélah, e li te gen lòt fis ak fi. 
Paske tout jou Hénoc yo te twa-san-swasant-senk ane. 
Hénoc te mache avèk Bondye; e li pa t la ankò, paske Bondye te pran l. 
Methuschélah te viv pandan san-katre-ven-sèt ane, e li te vin papa a Lémec. 
Alò Methuschélah te viv sèt san katreven de ane apre li te vin papa a Lémec, e li te gen lòt fis ak fi. 
Jou Methuschélah yo te nèf-san-swasant nèf ane, e li te vin mouri. 
Lémec te viv san-katre-ven-de ane, e li te vin papa a yon fis. 
Alò, li te rele non li Noé, e li te di: “Sila a va bannou repo sou travay di nou fè ak men nou ki leve sòti nan tè ke SENYÈ a te modi a.” 
Alò, Lémec te viv senk-san-katre-ven-kenz ane apre li te vin fè Noé, e li te gen lòt fis ak fi. 
Paske tout jou a Lémec te sèt-san-swasann-dis-sèt ane, e li te vin mouri. 
Noé te gen laj senk-san ane, e li te vin papa a Sem, Cham, ak Japhet.