Ioba.
23.
A LAILA olelo mai la o loba, i mai la, 
I keia la hoi ua awaawa kuu ulono ana; Ua oi ke kaumaha o ka lima maluna o'u mamua o kuu kanikau ana. 
Ina paha e ike au i kahi e loaa'i ia'u ia, E hele aku auanei au a kona wahi! 
E hooponopono aku au imua ona i ko'u, A e hoopiha i ko'u waha i ka olelo hoakaka, 
E ike au i na olelo ana e pane mai ai ia'u, A e manao i ka mea ana e olelo mai ai ia'u. 
E paio anei ia me au me kona mana nui? Aole, aka, e manao mai no ia ia'u. 
Malaila e paio ka mea pono me ia; A e hoopakele loa ia au mai kuu lunakanawai aku, 
Aia hoi, hele aku au ma ka hikina, aole ia malaila; A ma ke komohana, aole au e ike ia ia: 
Ma ke kukuluakau, kahi ana i hana ai, aole au e nana ia ia; Ua hunaia oia ma ke kukuluhema, aka, aole au e ike ia ia: 
No ka mea, ua ike no ia i ka aoao iloko o'u; Ke hoao nei ia ia'u, a e puka aku auanei au, me he gula la. 
Ua hoopaa ko'u wawae i kona hele ana, Ua malama au i kona aoao, aole au i haalele. 
Mai ke kauoha o kona mau lehelehe aku, aole au i hele; Ua malama au i na olelo a kona waha mamua o kuu haawina ai. 
Aka, oia ka mea hookahi, a owai ke hoohuli ia ia? A o ka mea a kona naau e makemake ai, oia kana e hana'i 
No ka mea, ua hana mai ia i ka mea i hoopaaia no'u: A nui na mea ia ia e like me ia. 
Nolaila, ua haalulu au imua o kona alo; Noonoo iho la au, a makau ia ia. 
Ke hoomakau mai nei ke Akua i kuu naau, A ke hooweliweli mai nei ka Mea mana ia'u; 
No ka mea, aole i okiia aku au imua o ka pouli, Aole hoi i huna mai ia i ka pouli mai kuu maka aku.