1 अदिक यीशु बाक यहूदी लॉकुर्द सभागृह दा होदुन; अदिक अल ऊंद मंळसा ईरोन यार्द कय वंळ्गेगीत, 2 अदिक आंदुर यीशु मा दोष हचोर साटी आऊन ताक मा हतकु ईरोर कि नोळाता, आव आराम दिन दा आऊक चंगा माळतान का ईला. 3 यीशु वंळगींद कयवाळा मंळसा से अंदुन, “येळ, लॉकुर न्याड्या दा नीदरेग.”

4 अदिक यीशु आंदुर से अंदुन, “येन आराम इन दिन दा नियम इन अनुसार भलाई माळोद उचित आद या बुरा माळोद? जीव इक उळसोद उचित आद या कोन्नोद?” लेकीन आंदुर सुंगा ईत्‍तुर. 5 बाक यीशु आंदुर मन इन कठोरता देल उदास आगकु, आंदरी सिट्ट देल नाकु दी नोळदुन, अदिक आ मंळसा से अंदुन, “तान कय मुंद वाळुस.” आव वाळुसदुन, अदिक आऊंद कय पयले अन्द घाई वळ्लीद आगेत. 6 आग फरीसीगोळ यहूदी लॉकुर्द सभागृह दा टु व्हार्या होगकु तुरन्त हेरोदियों लॉकुर सांगुळ यीशु उन विरोध दा साठगाठ माळली कुरतुर कि आऊक याता प्रकार देल नाश माळेव.

7 बाक यीशु तान चेलागोळ सांगुळ क्यार्रा दी होटोदुन. अदिक गलील दा टु ऊंद धोळ्द भीळ आऊन हिंद नळुली कुर्त, 8 अदिक यहूदिया, अदिक यरूशलेम, अदिक इदूमिया, अदिक यरदन गांगा अन आप्पाटी, अदिक सूर अदिक सैदा अन्द आसपास टु ऊंद धोळ्द भीळ ईद केळकु आऊन हात्‍ती बंदुर कि, आव ह्यांग अचम्भा अन्द क्याल्सा माळतान. 9  ✡ ३:९ मरकुस ४:१; लूका ५:१-३अदिक बाक यीशु तान चेलागोळ से अंदुन, “भीळ इन कारण ऊंद स्यांळ्दतुसा ड्वांगा नान साटी तयार ईरूल ताकी आंदुर नानी वत्‍त ईला सकुल.” 10 यतिकी आव हापाळ मुंदरी चंगा माळीदुन; इदुरसाटी अल यास लॉकुर रोग देल बिमार ईरोर, आऊक मुट्टोर साटी आऊन मा बिळली आगोर. 11 अदिक दुष्टआत्मागोळ देल ग्रस्त लॉकुर भी, याग आऊक नोळतोगोर, अरा आऊन मुंद बिळतोगोर, अदिक चिळ्लासकु अनतोगोर कि “नी परमेश्वर उन पार हुय.”

12 यीशु दुष्टआत्मागोळी आदेश कोट्टुन कि अव यारीकु भी ईद हेळतीदील कि आव याव हुन.

13 बाक यीशु पहाळ मा येरेदुन अदिक यारी आव चाहासोन, आंदरी तान हात्‍ती कारदुन. अदिक आंदुर आऊन हात्‍ती बंदुर. 14 आग यीशु आंदुर दा टु हन्नेळ मंळसागोळ्द निवळ माळदुन, यारी आव प्रेरितगोळ हेसुर कोट्टुन. अदिक अंदुन, “कि ना नीमी तान सांगुळ ईटोरसाटी नीवळुसदीन, ‘ना नीमी प्रचार माळली व्हार्या कळाईन, 15 अदिक नीम हात्‍ती दुष्टआत्मागोळी तेगोद अधिकार ईत्‍तीत.’ ”

16 ई प्रकार देल आव हन्नेळ चेलागोळ्द निवळ माळदुन. शमौन यार्द हेसुर आव पतरस ईटदुन, 17 अदिक जब्दी इन पार याकूब, अदिक याकूब उन वार्ट यूहन्ना, यार्द हेसुर आव बुअनरगिस मतलब “गर्जन उन पार” ईटदुन, 18 अदिक अन्द्रियास, फिलिप्पुस, बरतुल्‍मै, मत्ती, थोमा, हलफई इन पार याकूब, तद्दै अदिक शमौन कनानी जो रोमन सरकार उन खिलाप ईरोन. 19 अदिक यहूदा इस्करियोती, जो यीशु उक ध्वाका देल हुळसुसीदुन.

20 बाक यीशु अदिक आऊन चेलागोळ मान्नी बंदुर; अदिक हिंग भीळ जमा आगेत, कि आंदुर रोट्टी भी तिन सकिदील 21 याग आऊन मान्यागोळोर लॉकुर ईद केळदुर, रा आंदुर आऊक हुडोर साटी होट्टुर, यतिकी आंदुर अनतोगोर, कि आऊन मन ठिकान मा हैलेच.

22  ✡ ३:२२ मत्ती ९:३४; १०:२५अदिक शास्त्री भी जो यरूशलेम टु बंदीदुर, ईद अनतोगोर, कि “आऊन दा बालज़बूल* ३:२२ बालज़बूल-दुष्टआत्मागोळव सरदार शैतान समुस्कु आन, अदिक ईद भी, कि आव दुष्टआत्मागोळव सरदार उन मदत देल दुष्टआत्मागोळी तेगुतान.”

23 इदुरसाटी यीशु आंदरी हात्‍ती कारूकु, आंदुर से उदाहरण दा अनली कुरतुन, “शैतान ह्यांग शैतान उक तेगु सकतान?” 24 अदिक अगर यातोदारा राज्य दा फूट बिळुल, रा अद राज्य ह्यांग संची ईर सकतद? 25 अदिक अगर यातोदारा मान्ना दा फूट बिळुल, रा अद मान्ना ह्यांग संची ईर सक्‍कीत? 26 इदुरसाटी अगर शैतान तान अच राज्य अन्द विरोधी आगकु तान दा फूट केडुल, रा आव तान राज्य अक ह्यांग सुरक्षित ईट सकतान? आऊंद रा अन्त अच आगेदीत.

27 लेकीन यावारा मंळसा यातोवारा ताकतवर मंळसा अन्द मान्या होक्‍कु आऊंद माल हिंग अच कदू सकालुन, पयले आव आ ताकतवर मंळसा अक कट्यान; अदिक आग आ मंळसा आ ताकतवर मंळसा अन्द मान्ना अन्द बुळ्क ईड्द सामान इक कदू सकतान.

28 ना नीम से खरा माताळतीन, कि मंळसागोळ्द औलाद ईनव सप्पा पाप अदिक अपमान जो आंदुर माळतार, माफ माळकु आदव. 29  ✡ ३:२९ लूका १२:१०लेकीन जो यावारा पवित्र आत्मा अन्द खिलाप अपमान माळतान, आऊक यागलु माफ माळकु आगतीदील, “यतिकी आव अनन्त पाप इन अपराधी आन.” 30 यीशु आ लॉकुरी इदुरसाटी ईव सब मातगोळ अंदुन “यतिकी लॉकुर अनतोगोर, कि आऊन दा दुष्टआत्मा आद.”

31 अदिक यीशु उन मोय आकतींग अदिक वार्ट बंदुर अदिक व्हार्या नीदुरकु यीशु उक कारूली कळुदुर. 32 अदिक भीळ यीशु उन आसपास कुर्तकु ईरोद, अदिक आंदुर आऊन से अंदुर, “नोळ, नीन मोय नीन वार्ट अदिक आकतींग व्हार्या नीनी कारेत्यार.”

33 यीशु आंदरी उत्‍तर कोट्टुन, कि “नान मोय नान वार्ट अदिक नान आकतींग याक हुळ?” 34 अदिक आव तान आसपास कुर्तकु ईरोर आ लॉकुरी नोळदुन अदिक अंदुन, “नोळी! नान मोय, आकतींग अदिक वार्टुर इंदुरा उर. 35 यतिकी जो यावारा भी परमेश्वर उन इच्छा मा नळदान, आवा नान वार्ट, आकतींग, अदिक मोय हुळ.”