4
Debidi ibuni mo hongo helo mbiraga bi lenego ogo
1 Ngode Datagaliwabe-o í̠na i̱ mo wayali haga kegoni.✡ Iba 17.6, 18.6, 18.18-19
I̱na í̠ olarogola í̠na i̱naga bi larogo hale habe.
Bamba i̱naga miniha genda yu hewagola
í̠na i̱naga genda mo wahai harigoni.
Í̠na áyubi i̱ dara holene irane nawini howa
i̱naga bi hale halu biamogo bibe.
2 Agali bu kamiru tígua i̱naga mini mo ko haga bialu
horo agiru holeberemibe.
Ko ngaru hangu mo tene halu
mana henene bulene ngaru nabi
horo agiru holeberemibe.
3 Tígua bi ogoninaga irane manda bilimu.✡ Iba 6.8-9, 50.5, 135.4
Wali agali Anduane Homogonaga andaneha haga karu
ti ibuninagaore helo dabene ka.
Horo bibahendengi i̱na ibuhondo olalu haabo kogola
ibugua i̱na olarogo hale haga ka.
4 Tígua mana ko bialu kamigo wahalu✡ Iba 77.6, 119.11, Eb 4.26
Anduane Homogohondo gi ho holene nga.
Tígua dagiani paluwa bi maru nale
mana ogoni baya hangu manda bilimu.
5 Tígua Anduane Homogo ibugua hame laga aleru ibunihondo lomabu milimu.✡ Man 33.19, Iba 51.19, 62.8
Ibunihondo tí mini mbiraore wu halimu.
6 Wali agali dewalime lalu,✡ Dag 6.26, Yob 7.7, 9.25
Anduane Homogo-o í̠naga mo bayale holene ngibelo.
Í̠na ina dara halu biamogo bibelo hamelo kama, lalu lagane ka.
7 Tomo widi gerebi liniru dewa andaho kagola✡ Iba 97.11-12, 119.14, 119.72
mabu anduane karume ti turuho haga.
Anigoyu í̠na i̱ha turu holene wia harigome
tinaga turu holene bolangua heneore ngirigoni.
8 Anduane Homogo-o í̠nimeore i̱ handayaho kegome✡ Yob 11.19, Iba 16.9 i̱ bayaleore kogoni.
I̱ dagiani palialu howa mbirale mbirahondo gi nahe
miniha dungulo howa paliahondo haruli.