IBA GANA.
131.
Anduane Homogo-o i̱na mine halu haruligo wahalu i̱ni bayale kogo mitangi bialu balagala haruligobi waharu. I̱na mana timbuni i̱ manda bibe nahe ngarubi mbirale nahendene ale bulene taibiore ngarubi uruni i̱ mitangi nabi holebero. 
I̱na ani nabi howa ai i̱ karulape í̠naga mo palia holeneha bedogoni. Waneigini gali ti ai̱ya bani bayale paliagadagua i̱naga miniha nde hadape howa dungulo kogoni. 
Isaraele wali agaliru-o tígua Anduane Homogohondo mini mbiraore hongohe áyu ogoni howa wu haabo ho halimu.