1 Ina gusa mi unu kaba acoo am mani, barki ti cukuno titi ahana timeme, ida zo mesas nan nirere ba. 2 Senki ma raa atari ta na akura aweme. 3 In kuri in buki si, uganiya sa tazi ahana, a noki duru atize ti cincin ti uney. 4 senki uganiya wa eh, Asere matumi vana umeme, uyo uney, uyoh udungurka ma. 5 Ma wu anime barke ma bure anu udungurka me, barki a wu tize turume gu ahana. 6 Barki si a hana wani, Asere ma nya duru bibei bu usam me anyimo iriba iru, sa make matiti “Acoo adang” 7 I zo si anirere ba senki vana inka vana, anime ani izi unu kaba atri ta Asere. 8 Senki uganya ugino me sa da ya rusi Asere ba, ya zi Asere, barji ni kara me daa Asere ba. 9 A na me sa irusa Asere nani Asere a rusa shi, nyanini gamara karu timumum ti zatu nu kara? I nyara ikuri iriba anirere me? 10 I hire tiye, tipei maganiya nan tiwe. 11 In kunna biyau bishi gu katuma kam nan si kazi zenzen. 12 Ma vavi si ni hennu, wuna ni gu mi ma cukuno gusi wani ya ivum kalapi ba. 13 Senki irusa barki ukoni unipum um wa wu in bezi si tize tiso me innu tuba me. 14 Ukoni umme ya dara si ya ceki mi ba senki ya sokin mi anyimo a shime gu ina kadure ka Asere, gu mi Yeso in nnice nime. 15 Abani ugongonushi me? ma boo si inka idi cukuno anime idi gamirka aje ashi me i nyam. 16 Barki anime unu eru usi mani barki kadndere sa in boo si? 17 Wa nyara wa rii nikara ni shi me vat senke barki una u rii ba wa nyara wa su isi a matara baki i wuzi we katuma. 18 Imum irizi ukem iriba i katuma una u rii daki uganiya sa inzi nan si ba. 19 Ahana a cincin am, in raa anyimo u gamara nipum gu unu yoo barki si ubuki uganiya u katuma ka sere a nyimo a si me. 20 In daa zina nan si aname in gamirka nire ni gbirang, barki immu me ya hirzan iriba. 21 mi si za izin ni suo iciki anyimo udungurka, idaa kunna si udungurka me ba? 22 nyettike abanga a Ibarahim maa zinni na hana ware, u indei urere u eh sa unee u matara. 23 Senki uge sa urere yoo me anyimo anipum, senki ukasu me a yoo we unee faangh anyimo u inko utize me. 24 tige a daa ke a boo si gu tiroo tini, anime wa ciki gu u inko utize tire me tini. Unu udei anyimo aweme suro upana u sinai manno ma yoo ahana arere. Me mani Hajaratu. 25 Hajaratu mazi gu nipana ni sinai anyimo Arabuja, ma turi gu urshalima ugeme; mara anyimo ani rere nan na hana ameme. 26 urshalima wa zesere me uzi faangh. 27 nyettike, ''Kunna urunta, aney uzatu yoo, soo ni iyeze a mgbirang apuru arum; si sa idaa kunna uzito uyoo ba. Barki ahana unee sa a gidi wa teki unee sa ma zin nu ruma me.” 28 si a henu, gu Ishaku, ahana u inko utize tini. 29 uganiya ugino me unu ge sa a yoo me anipum ma yomi uge sa a yoo me abibeu, izi in. 30 U nyettike wa guna? “Gido urere u eh me nan vana me, vana urere u eh me mada kaba tirunga ta acoo me nan vana u unee a faangh ba.” 31 Anime, nihenu, daa haru ahana a unee urere mani be; senki unee u riri mani.