1 Anyimo ani we ni kirau inti cibi ati gomo ti Kaisar Agusta, Bilatus Babunti inti gumna tu Yahudiya, Hiridus inti gomo to Galili, Uhenu umeme Filibus inti gomo tu Ituriya nan Tirakonitis, Lisaniyas inti gomo tu Abiliya. 2 Uganiya me Hanana nan kayata we wani ana dandang aka tuma ka Asere, tize ta Asere ti ē Yohanna usam uzakariya anyimo ani jaa. 3 Ma haki vat ati hihira sa ta kete uraba urdu, unu bezizi utize ta Asere nan ubaptisma ubarka barki uvette ucaran. 4 Kasi uyerte utize ti Ishaya unu kurzuzo utize ta Asere, “Ni Myiran unu tissa ani Jaa, 'Barkani unaa Asere, Barkani tinaa tumeme dret. 5 Kondi uya ugbangbang undi myinca, nan kondi niya nihoho nan nipana nidi tuu, nan ti naa ti mammangaran adi witti tini adi myinciza tinaa me sa tizin inti waa. 6 Vat anuu wadi iri ubura wa Asere”. 7 Yohana ma gun nigura nanuu me sa wa aye bati ma wuzi we ubaptisma “Shi ahana iwaa iti kono aveni magunan shi Isumi ucurnome iruba me sa I'eze? 8 Nyani ahana sa wazin in niruba ubarka, kati itubi ugusa “Tizin Ibrahim acoo uru, barki sa in boo shi Asere Madake ma kurzo apoo ageme ahana Ibrahim. 9 Ana me amu wuna bitem atini ama titi barki anime vat utiti me sa wa game uyoo ahana wa ririn adi yori uni avetten anyimo uraa”. 10 Nigura me niriaje unu igizo ume unu gusa “Nyanini tidi wuzi?” 11 Ma kabirka ma gun we “De sa mazin tidibi tini tiree ma nya de sa ma zomen ba u'inde, de sa mazin ini mumyarce ma wuzi anime cangi. 12 Anu kabsa Ikirfi imanyanga wa ē ma wuzi baptisma wa gun me “Unuu ubezizi, nyanini tidi wuzi?” 13 Ma gun we “Kati ikabi ikirfi me sa iteki ige sa agunan shi ikabi ba”. 14 Anani kara nini kono wa iki me, wa gu, “A haru naa? Ma gun we, “Kati iburri uye ikirfi innikara ba, nan i canni uye upilko sa ma taame ba Tonnoni ikirfi uppe ushi me”. 15 Sa anuu waa zin nucanta uguna Yeso ma ē, konderi mameki ugamara me iruba anicee ni Yohana, nan memani Yeso. 16 Yohana makabirka ma gun Vat uwe “Me inzi shi unu baptisma inmei uye ma eze sa ma teki nikara num, ma bari in soppi tizin ta kpattak ameme ba. Madi wuzi shi ubaptisma in Bibe ba Asere bilau nan uraa. 17 Upija utana wa alkana umeme uraa atari bati ma ori ma wuu ati kere tume Madi punsi mucini me unu raa sa uda bito ba”. 18 Unu gbara kang, Yohana ma bezizi anuu abanga urunta. 19 Yohana ma gbarika ugomo Hiridus sa ma wuza anya nan unee uhenu me, Hiruduya, nan ukasu uti mum sa Hiridus ma wuza. 20 Ma kurima kinkin ma wuu aka kurso Yohana akura anirere. 21 Sa awuza anuu ubaptisma awuzi Yeso ubaptisma cangi, sa ma zin biringara Aseseri apokino. 22 Bibe ba Asere bilau bituu me kasi uhurbe, nimyiran ni Aseseri “Hu vana mani, de sa inkunna me. In kunna urunta ume”. 23 Yeso maa tubi katuma a tiwe akuru ataru. Maa zi vana (kasi basa me) Isubu vana u Lawi 24 Vana u Matat, vana a lawi, vana u Malki, vana u Yanna, vana u Isubu, 25 Vana Umatatiya, vana u Amos, vana u Nahum, vana Hasli, vana Najjaya 26 Vana u Maata, vana u Matatiya, vana u Shumeya, vana a Yuseka, vana u Yoda, 27 vana Yowana, vana u Resa, vana u Zarubabila, vana u Shiyaltiyel, vana u Niri, 28 vana u Malki, vana u Addi, vana u Kosama, vana u Almadama, vana u Er, 29 vana u Yosi, vana u Alyeza, vana u Yorima, vana u Matat, vana u Lawi 30 vana u Saminu, vana u Yahuda, vana u Isubu, vana u Yuhana, vana u Aliyakima, 31 vana u Malaya, vana u Mainana, vana u Matata, vana u Natan, vana u Dauda, 32 vana u Yesse, vana u Obida, vana u Bo'aza, vana u Salmo, vana u Nashon, 33 vana u Amminadab, vana u Adimi, vana u Arama, vana u Hezruna, vana u Feresa, vana u Yahuda, 34 vana u Yakubu, vana u Ishaku, vanu Ibrahim, vanu Tera, vanu Nahor, 35 vanu Serug, vanu Reyu, vanu Feleg, vanu Abiru, vanu Shela, 36 vana u Kainana, vana u Arfakshada, vana u Shem, vana u Nuhu, vana u Lamek, 37 vana u Metusela, vana u Anuhu, vana u Yaret, vana u Mahalel, vana u Kainana, 38 vana u Enosh, vana u Shitu, vana u Adamu, vana Asere.