1 Sa ure uwui wa eh, Yeso mazin nu bezizi anu tize ta Asere adange ubi ringara, anu adangdang nan nanu nyettike nan na nanu. 2 Wa buu tize, wa gumme, “Bukan duru, nikara nu wuze uti mum tigeme ta surowe abani? nani aveni ma nyawe nige nikarame”. 3 Ma kabirkawe magu, “Me ma indi ikishi, bukanime. 4 Abanga ubaptisma u Yuhana, wa suri aseseri ani nan ahira anu ani? 5 Wa rusi inna ce awe, wagusi, “Inka taguna, wa suri asesere ani, madi gu, ani nyanini ya wuna daya hem in me ba? 6 Inka taguna ahira anu, anume vat wadi tizin duru in na poo, barki sa we wamu zika Yuhana una kadura ka Asere mani. 7 Ba wakabirka wagu me we wada rusame a hirame sa ya surini ba. 8 Yeso magunwe, “Mima inda bukamshi a hirame sa ni kara nu wuza uti mum tigeme na suri mini ba”. 9 Ma buki anume tire tize tukama, “Uye ma biri unuu, ma nya ana vara u intame, ma dusa amare manyanga maka dadankino. 10 Uganiya u eze sa indi tumi una katuma kam a hira ana vara me, barti wa nyame imumme sa wa oro uruume, ana uruu waka tirame wa gidime in tari ti hura. 11 Ma kuri ma tumi ure unu benki ume katuma, wa kuri wa tirime, wa wume ma cukuno imum imu i, wa gimdime in tari ti hura. 12 Ma kuri ma tumi unu taru wa kunnome iwono, wa vingi me a matara. 13 Anime unu uruu magu, 'Indi wu aneni? indi tumi vana uyoo um. Ba wuya wa kunna me', 14 Sa ana vara me wa irame, wa barka tize ache awe, wugu, 'Usanme mazikuno uru'. 15 Wa vete mani anatara wa hume. Nyanini unu uruu madi ki gunan we? 16 Madi eh ma cari anu varsa uruu me, madi nya aye uruu me”. Uganiya me sa wa kunna anime, wa gu,”Kati Asere a hem!”. 17 Anime, Yeso ma riki we aje, magu, “Nyanini ya ziginome sa a nyettike: 'Ni poo me sa anu bara uti denge wa nyarime nini nibura nu pingaru udenge'? 18 Debe sa ma rizo ani poo niginome madi pusa magitum magitum. debe sa na rizo ame, nidi nanzi,” 19 Barki anime, anu nyettike me nan nanu a dandang me wa nyari wa tarime tari uganiya me, we wa rusi tize tukama sa ma bu barki wewani. Agi we wa kunna bi yau ba nume. 20 Innu hira ume seeke wa tuburko anu ani hunzi sa wa wuzi kasi wazi lau bati wa kem ure u sizikime a tize tumeme, bati wa tuburko me a tari tanu yorso utize a dandang ugomna. 21 Wa iki me, wagu, “Unu bezizi, tirusa uka ubuki ubazizi memerum, daki uya ma bari ma gamirka we ba, senke hu u bezizi umum ihuma una wa Aser. 22 Ya wuna memerum ti bisi ugandu ahira a kaisar, nani babu?” 23 Senke Yeso ma rusi ugamara uweme, ma gun we, 24 “Bezini mi ikirfi me, muhenu ma veni mura a ini?” wagu, “Mu kaisar muni”. 25 Ma gun we, barki anime “Nyani kaisar umumbe sa izi ime, a i nyani Ugomo Asere igebe sa izi ume”. 26 Wada wa kem ure usizikime inni mum sa ma buki we ba anyumo anu u ira ukabirka umeme wa wu tik. 27 Sa are Asadsukiyawa wa eh me, ande sa wa gusa usuro icau uzoni, 28 Wa ikime wagu, “Unu bezizi, Musa ma nyettiken duru agi inka uhenu unu ma wono, ama zin innu nee, sarki vana, mada ke ma ziki unee u henume in marizi ma yoo uhenu me vana. 29 Azin are ahana usunare u tubame ma wuzi anya, ma wi sarki vana, 30 Nannu nu kure me amme. 31 Anu taru me ma ziki uneme, anime cangi unu sunare me madu ma wi sarki a hana. 32 A ciki ati yei me uneme ma wi cangi. 33 Rono usuro icau me madi cukuno une wa veni? inji ma wuzi anya nan we usunareme vat”. 34 Yeso ma gun we, “Ahana une ugeme waka wa wuzi a nya ak nya aye a wuzi a nya nan we. 35 Senke ande sa a hiri we kasi anu a lau ati wee tiginome wadi kabi u hira u mu cau barki sa wada ke wa wuza a nya ba na ni a nyawe inna nya. 36 Wada ke wa kinki uwono ba, barki sa wazi rep nan cukuno a hana u suso amu cau. 37 Barki mu kizi mu suru, musa ma bezi cangi, ahira a babga ani jaa, abinime ma titi Asere a Ibrahim nan na Asere a Ishaku nan na Asere a Yakubu. 38 Ana daki me Asere a mukizi aniba ingi me Asere anu a huma ani, barki sa vat a ciki amemani”. 39 Aye anu nyettike me wa kabirka, “Unu bezizi, wa kabirka memerum” 40 Anime wada wa kuri wa iki me imum ba. 41 Yeso ma gun we, “Aneni wa gusa agi kristi vana u Dauda mani? 42 Senke Dauda me niche numeme magu anyumo ani tabi ni zabura, Asere magu a Asere am, 'cukuno a tari ti nare tum, 43 Mi indi wu we u patili anu a buri intibuna'. 44 Dawuda sa mytiti kristi “Asere adi wu areni ma cukuno vana u Dawuda? 45 A anu in nu kunna vat magu in almariyai ameme, 46 Hirani anu nyettike merum, we wa ka wa nyari wa haki aseseri ati tizimti jojoko, wa hem inni isi a nyumo ati kasuwa, nan na hira ati cukum ta nu adandang a ma sinagog, nan ahira agomo ugani usanna. 47 Wa ka wa zazani akoro ati kura tiweme, barki iwetere wa ka tunguno iringara jojoko. Anu kasi weme wadi kem uhuna udandang”.