1 Ni sisizo roni tuba utiye usunare, wa ē icaume, in turunga tu nya urunta tigebe sa wabar ka. 2 Ba wakem agamir ka ni pome. 3 Waribe anyimo me, daki wakem ni pum ni gomo Asere Yeso ba. 4 Ya kem anime, wawu huū abanga agino me, Sarki urusa ana ware wa tonno aje awe in turnga ti walwal. 5 Awe me wa tungurko ace adizii barki biyau, wagun na neme, “Nyaani yawuna izin unu vengize anyimo amu kizi?” 6 Ma zoni, mahira! Ringini mabuki shi daa ti ame U Galili, 7 Agi adi nya vana unu atarita na madini wagan kirka me, u wui utaru, madi hiri”. 8 Ba ane me waringin inna guran me, 9 Wakuri u suro icaume ba wabu anu kirau innu inde me vatti imummu igino nan nu kansu me. 10 An Maryamu Magadaliya, nan Juwa na, nan Maryamu ano Yakubu nan nu kasa aneme sa wazi ni gome wabuki imumbe sa awuza. 11 A naka dura daā ula zikka tize me anyo imumba daki wahem inna nemeba. 12 Vatti anime Bitrus mahiri, masumi uhana icaume, matunguno innu hira anyimo me, Bama u malti cas. Bitrus madusa uhana akura ame, mazin gamara utize. 13 Rome akem aware anyimo we wahaka uhana a aragaro in zame immawus, sa upiit u ani mel u inde usuro u Urshalima. 14 Wa zin nu gamara ace ce awe me usuwo imum be saya kem. 15 Ba icuku no innuguna, sawa zin nu gamara me nan nu igizome. Ba Yeso in nicee nume ma ē ma mu in tanu nan we. 16 Aje awe medakat inka avee ni Yeso ba. 17 Yeso magun we, “Iboo nyari ugani ya sa ihaka?” Wat onno ahira me inti puru tibit. 18 Uye anyimo awe, unaniza kiliyobas, makabirka me, “Humani unume cas sama raa Urshalima mesa tame imumbe sa yakem abirkome atiye tiginome ba?” 19 Yeso magun we, “Tiya timu mum?” Wa kabirka, “Timumum usoro uyeso uba Nazaret, igebe sa una kadura mani unaka tuma kadan dang nan aguran ahira Asere nan na nu. 20 Kasi anaka tuma kadang ka Asere nan ana tigomo wa witi me barki awekime tize uhana iwono agankirka me. 21 Taā inko iruba uguna memani madi buri ma Israila. Ire adumo igino me a name tiye titaru daati sa imum igino me yakem. 22 Akaa nime, are anee sa tizi nanwe wawuza imumu ira, sa cukuno i caume usuro in sisizo. 23 Sa daki wakem nipum numemba, ē in nu guna we cangi wa ira tiroō tibe ikadura ka Asere igebe sa ya gun we mavengije. 24 Are ahana aruma sati zini go me wadusa icau me, wakem me ni kasi ubuka anee me. Dakki wa ira me ba. 25 Yeso magun we, “Shi anu ani ba bana nan na nu uzatu hem in ni mumbe sa ana katuna ka Asere wa buka. 26 Dakki ya cukuna gbas masi i jas ati mumun tiginome, maribe a nyimo atigono tume?” 27 U suro utuba me Musa uhana ana katuma ka Asere, Yeso matuba we vat dodu sa izi ani ce nume u vat unyiti. 28 Sa wa hana mamu nan nagiro me, ahiraa sa wa hakani, Yeso mawu kasi madi akku we. 29 Wume gbas, innu guna, “Cukuno nan haru, u wunjuro wa anye mamu uwui wamara”. Ba Yeso madusa maka cukuno nan we. 30 Yakem agi, sama cukuno nan we barki mari imumare, ba ma ziki ubreedi, ma ringarka uni, mapusi, bama nyawe. 31 Abini me aje aweme apokino, sawa ru same, ba ma hunne me aje awe. 32 Wa gun na ce-ce we, daki muruba muru macunnome ba, sa ma zin tize nan haru una, sa ma poko duru unyitike ugomo Asere. 33 Wahiri uganiya uginome, bawaku ri a Urshalima. Wakem anu kirau innu inde nigome, nande sa wazi ni gome. 34 Ya cukuno, gbas ugomo Asere mahiri, mapoki nice nume ahira Simon. 35 Ba wabuki imumbe saya kem we u na, kasi sa abezi we Yeso sama pusi uborodi. 36 Sa wazin nu bo imum iginome, ba Yeso matonno atti awe, bama gunwe, gaja ushi. 37 Wa wu huū wa myin can biyau, wa'basa wa ira imoli. 38 Yeso magun we, barki nyanini izin ma aye? Barki nyani ya wuna u igi zo u suso iruba shi me? 39 Ira tari tum nan tibuna tum, mimani in sisi im. Darani mi i iri. Iyenne bibe bizome inni pum nan na ubo, kasi gusa ira inzini. 40 Sama buka anime, bama beziwe tari tume me nan tibuna tumeme. 41 Sa myinci na puru arum, inni mu in ibiyau, Yeso magun we, izin ni mumare? 42 Ba wa nyame icere hu. 43 Yeso makabi, mari aje awe. 44 Ba magun we uganiya sama zinan shi mabu ki shi agi vat imumbe sa anyitike anyimo u inko utize timusa nan ana katuma Asere nan nu zabura ya cukuno gbas imyinca. 45 Bama poki muruba muwe, barki warusi unyitike. 46 Magun we, “Anyitike, agi ugomo Asere madi si i jassi, ma anyimo iwono rono taru. 47 Wuzani tize tuka ba ugomo Asere nan nu vete umadini anyimo ani zanu menan nanu zatu rusa utize ta Asere, tuba ni a Urshalima. 48 Shi aje ani ahira timumum. 49 Ukaba Asere, inzin nu tumuza utira utize ta coo umace ashi. Anime beni anipin, senke a soki shi ubari azesere. 50 Anime madusa nan we waha mamu nan nu Batanya. Bama yeze tari tumeme maringirka we. 51 Icukuno uganiya sa mazin nu rin girka uwe, macekiwe madu uhana Asere. 52 Ba wa nunzome, wakuri a Urshalima in na puru arum kank. 53 Koyo wui wara anyimo udenge Asere, wazin nu ringara Asere.