1 Anime bibe bilau bihan in Yesu ani ja, barki unu guru maman same. 2 Sama wuza no we no me I tiye a kurra Nazi niye man nu Wei ikomo imukurkame. 3 Unu mansa ugino ma'e, “inki hu vana sere mani, kurzo a po ageme acukuno immare”. 4 Yesu makabirka magu, a citike uguna, dakin in bisana bini cas unu madi vengizo ba, senke inti zo sati suso ahira sere. 5 Anime unu uburu mahan me ani pin ni lau, matarime asesere me. 6 Magun me, inki hu vana sere mani, hinna adizi. Barki a nyirtike agi, 'Madi gu ibe ikadura ka me ikurso we', Barki kati upilliko anipo. 7 Yesu magunme, anyetike, udaman sawa Ugomo Asere aweba. 8 Unu buri makuri mahanme anire ni po nijongoron adodu une ariri. 9 Magun me “vat in we rizomadizi wa non zom indi nyawe”. 10 Yeso magunme, dusa abame, unu uburi! Abuka idi nonzo Ugomo Asere mani, barki memqni cas udi rizi adizii unonzome. 11 A' animo unu buru maduku ceki me igab. 12 Sa Yeso ma kunna akorso Yahaya, mahiri uhana u Galili. 13 Ma ceki unazarat, makuri unahun inti cukum, abirko upuru uruba udang, ubinani umanga mu zabalina wan nu naf tali. 14 Barki amin cikina uba u Ishaya. 15 Manyanga mumzabaluna nan nu Naftali, nan nu bahar, nan nuhuru uraba u'urdu, amanyanga mu Galili anu zatu urusa utize tasere. 16 Anu ciki uma reu wa ira masa anu ciki anyimo livono nan ma aye, masa ma ulata we. 17 Usuro uganiya uginome, Yeso matubi tize, innu gusa, kabanitize tasere barki Asere a' aye mamu. 18 Mahaki urabi uraba udang Ugalilu, ma iri anu henu ware, saminusa atissa me Bitrus, nan nu henume Andrawus wa zinnu vingizi itaru uraba udang barki we anu minsi icere ini. 19 Ma gun we tarsan mi, indi kurzo shi anu mensuzanu. 20 Wa ha wa aki watarsime. 21 Sa ma reje, ma iri aye ana were wema ani henu, yakubu vanu Zabadi, nan nu henume Yahaya, anyimo jirgi nan ka co uwe Zabadi innubara itaw iwe, mati tuwe. 22 A hira me wa ceki u jirgi nan ka come, watar sime. 23 Bamakase manyanga mu Galili, in nu dungara anu ati denge titarsa sere we, inkur uhumza inna num zatu ni huma a tikoni tuwe. Anime memani amanyanga mu Suriya. 24 A ezzinme innanu zatu nu huma, ani jas inti koni sassas. nan nanu zito, nan nana gwargene nan ana ma tiri zi, nan nanu wijo utikira tini pum ma hum mumzan we. 25 Ni ori nanungwen watarsime umGalili nan nu dikafolis, nan nu Urshalima nan ma nyanga mu Yahudiya, wannu kafa urabà udang u'urdu me.