7
Aten insaisawa euda gagalowa
15 Ina tawo ema osowe diapana bedewe nitu nata ewamone atenten:
Apana God anaanawa ruawaleidie wanwan dodomana wande,
tane ideita apana sanaa boleide.
Tane me mida kadiwa dewalala God anaanawa mai ruawaleipona
wanwan daumawa wande.
16 E mai apana emauwo dodomana wainiana asowawaitaa,
mai apana emauwo e insaisa euda apanawa wainiana asowawaitaa,
dima baiwa eba kadikaditiana?
17 Mai eba kadi dewalala apanawaida segaitaa,
mai insakadisalaida segaitaa,
e meneedia boa walamawaida ee amua boita, ba?
18 Dewa ema nata emoa.
Euda ipa nuaitu wasauwa ema insene ruawaitona,
apana mida God wiwirawaleidia,
me mai eudidalepia ita kadiidalepia
sawano waimpa.
19 Insadewasa apanawa ipa mukamukauaida,
mai warere 10 bola dea debama onieia mukau rua.
20 Ulaipa mai apana da tawo ema osowe dodomanaida, dia,
mai mida kadiwa dewasiawaiaida ita dodomanaida wainipona.