Liwai damba nolau.
1.
Iawe God ape kakaiwa bedewe Moses apasane wanase, 
“Israel apanawa mampo gagaloite diamoe ema epe waa, ‘E mida Iawe God mampe pue puloite susuwa meneempa e pue kau, sipsip ba gote wadee wine amonaa itua. 
Tane naita puloa kau wadaa, pulo sa ipa kau mona mai etepa bene dola, dia. Tane pue etepa euda wadee ape kakaiwa moape winea ita Iawe God emawe sa ipa amona euda me wadepie mampesapi. 
Witaa pue sa uwawa osowe itua ita e aupaa wadepie bolepi tane Iawe God pue sa bolepia mampee e dewaa kadiwa mitepiaubepio dodomanaita. 
E pue kau Iawe God mampe bosae ita Aron obampa pirisi, pue osinapa wadapue ape kakaiwa moape pulo sumpaa watawa enedia sainapainta uwakokosapue antopu. 
Tane e pue etepa loe ita moia nipawa nopuiamoa. 
Ita pirisi ia awanepue pulo watawa osowe teapue ia supuo ipi. 
Tane e pue noe bedewa otawiaite mitaa. Ita moia wawa do moia uduudu noia kepakepau, uwawa ita menawa pirisi wanamowo otepue wata osowe ia bedewe sumopu. Ita pulo sa uduudu mo suiena ipa amona eudida bonabonaua Iawe God mampe.’”