Diutoronomi.
11.
Tauma Moses Israel apanawa diamone wanase, “E Iawe God anaanawa walama uduudu nualawo itunune insamonune os leununa. E anaana sa nuaitulempa baiwa girumamone mabula osowe taudomona ita do eueuwa baiwa nanlawo taumona. 
Ita obanla waeuwamonuno etompa, e dulawo wanlempa bedewe, leununa bedewe ba ituitonune bubuaitonuna bedewe anaana ema waeuwaitonuna. 
Israel apanawa, asisuitana! E menaledia Iawe God sau euda osolawo itupi ba saua kadiwa osolawosapi? 
Ande ne Iawe God anaanawa enaledina, naita e me anaanawa ruawaitana me sau euda e osolawo itupi. 
Naita me anaanawa ema ne tauma waeuwaledina etane mai ruawaitana, ene god da e mai ateitipona sumanaibuitonuna Iawe God e osolawo saua kadiwa itupi. 
Sa baiwa me anaanawa ita waeuwa ne tauma waeuwaledina ruawaitonune wanlempa.”