Sam.
67.
O God, nuaparembaite, sau euda osombo itua. E nana mainimbosae oiwawaitaa. 
Ita apana uduudu tawo osowe waimoia e dewaa atentopu, uwa daitada apanawa atentopu e mo inamoa rua. 
Uwa daitada apanawa God wadaposiepu, apana uduudu e wadaposiepu! 
Apana uduudu tawo osowe nuaeu mampe sasantopu ipawa e dewaa dodomana mampe uwa daitada apanawa oniamoiana, e apana uduudu tawo osowe oniamona. 
Uwa daitada apanawa God wadaposiepu apana uduudu e wadaposiepu! 
Ita tawo osowe nana mauralepi ita no Godimba sau debama no osombo itupi. 
Ulaipa, God sau euda no osombosapi ita bola daitada bede wanwanlala me wadaposisana.