Sam.
110.
Dawid sasawa Iawe God ne debamana dieene wanase, Iawe God gagaloleide warere mampe “Witana on deneuwe aisite wana ne ideita e emalawoa nanausimope e waa atowe teamopatuapi.” 
E Ierusalemwae noe aitono Iawe God dewaepio mukaa debamalepi, ita e emalawoa apanawa onapoite oniamoa. 
E emalawoa apanawa onau enaa walamawe, e apanaaida mo muba nuau wadapuaubepue nomopue bautantopu. E gara kakaiwa mampe benaitaa ita me walama ruawalempe mukaa sanaasampa, kipora esapa sala butasadio tadinaida nitu uduudu sanaantoia rua. 
Iawe God e sauaene wanase, “E ipa pirisi wanwankasalala pirisi Melikisedek rua.” Me saua sa wana mai insaisawa leusapi. 
O Iawe God, e witaa on deneuwe warere wandia nuawa kadilepio warere uara bomopi. 
Me uwa daitada apanawa matangelamopi ita mo bontoia etepu mo bolau nopesapi. Mo uwau nepa epatuiamopi, tawo uduudu osowe. 
Warere ando into esa alala nampe alempa ita muka wadompa, do me ipa mukawaida segalepi.