Aisaia.
58.
“Mo mida omana tomodia nanala moawa wanamono napu, ita apana mida bolau dia bola wanamono wampu, mo mida gara abolawantoia garala wanamona, do osina sosolaida mai adiananamona. 
E epe dewaitano ne sapana omo sanaa wisedie sapa wadia rua e osolawo sapa wapi, e kerola inantopua walamawa maidaleide, ne bautanteape e intala dodomanasapa, ne adilawo enape mukana debama mampe oniadewasalepa. 
Ita e ne mainawo rauparitano etalepe sipoasapa, ita e sau baiwa apaitonuno ne etalepe wapaase, ‘Ne ema!’ E mai apana osouwo sai itununa, ita mai wakadisamonuna ba lagau wana, dia. 
Apana omana totopu mukala uduudu mampe saumonuna, ita mo mida bagorantoia mukala uduudu mampe nolaitonune saumonuna, e epe dewaitonuno e sapala dubawa bedewe sapa wapi, ita tadina uduudu e manlawo ipa walama sapawa rua winompa.”