Kabikona.
26.
Noga nakasina manatuwaina Ebenaamu yana tovai maise, yota Kenani i visavavinisiya. Na fasinei Aisake i niya menana Gena nenei, Finisitiya kana tufomu kana wava Abimeneki nenei. 
Yave i kenokikinomana Aisake nenei keta i iyaviya i bwaduwa, “Muka kuna nai Itifita eatu namai fwayafwayanama ana iyaviwa nenei, nokomai kuna fakwa. 
Nofemai simokaḡamoka kuna fakwa. Iyau kwaḡa nukusi eketa ana sawanuwagabubuwiwa. Fwayafwayanama nofe matatafuna susukwau nukusi ana venimiya ebe avana amau Ebenaamu a bwadudabedabiya maise, bwadudabadabanama ana givifakiniya. 
Susukwau yagwanina ana veniwa maise kinavinavi kasi yagwana abamai. Keta fwayafwayanama nofe matatafuna ana venisiya. Tasike nenesiyai, kunuma matatafusi fwayafwaya etanei ana sawanuwagabubuwisiya. 
Uḡuna Ebenaamu fonaku i muniiya, yaku bwadu i nowaniya yota yaku gisawakedana be yaku visime matatafuna, i muniyekoḡoiya.” 
Na uḡuna eketa Aisake i fakwa menana Gena nenei.