Salmo 121
121
Si Diyos Di Manalaknib En Datako
1 Mo tamtamangek di kadondontogan,* Kanan di odom en din Salmo ay nay et inkankantan di maniktikid ay emey ed Jerusalem ay en makifiesta. Ad-adoy kaeegyat ay sangsangoen da sin danan, isonga madandanagan da mo tamtamangen dan dad-anen da ay kadondontogan.
kanak si nemnem ko, “Sino ngata di bomadang?”
2 Si Diyos ay nangamag ed daya ya din lobong,
ammok ay sisya di tomolong.
3 Si Diyos di manalaknib en sik-a ta say adi ka maisokba.
Adi kaseyseyep din mangil-ila en sik-a.
4 Dengngem tan tet-ewa na:
din mangay-ayowan si ipogaw na† Din kanana sin Hebreo et: Israelita. Daida di ipogaw en Diyos ed idi.
et banbantayan daka si eng-enggana.
5 Kanayon ay kadkadwaen Diyos sik-a,
kanayon ay salsalidaan daka.
6 Isonga olay labi ono kaagawan,
wadas sisya ay mangay-ayowan.‡ Din kanana sin Hebreo et: Adi dakan sakitan sin segit sin kaagawan, siya abe sin selag di bowan. Din pannemnem di ipogaw ed idi, kaeegyat di atong di segit. Din selag aben di bowan et say napoan kano di odom ay sakit ay kaman din kedas, podot ya pispisita.
7 Si Diyos di mangilislisi en sik-a si am-in ay lawa,
di biyag mo et ay-ayowanana.
8 Koykoyogen daka olay intoy em-emeyam,
siya abe sin pantaoliam.
Sisya di manalsalaknib en sik-a
ed wani ya si eng-enggana.
*121:1 Kanan di odom en din Salmo ay nay et inkankantan di maniktikid ay emey ed Jerusalem ay en makifiesta. Ad-adoy kaeegyat ay sangsangoen da sin danan, isonga madandanagan da mo tamtamangen dan dad-anen da ay kadondontogan.
†121:4 Din kanana sin Hebreo et: Israelita. Daida di ipogaw en Diyos ed idi.
‡121:6 Din kanana sin Hebreo et: Adi dakan sakitan sin segit sin kaagawan, siya abe sin selag di bowan. Din pannemnem di ipogaw ed idi, kaeegyat di atong di segit. Din selag aben di bowan et say napoan kano di odom ay sakit ay kaman din kedas, podot ya pispisita.