Job.
4.
Idi siya di, nankali si Elifaz ay taga-Teman yan kanana, 
“Anosam koma din ibagak en sik-a tan adiak makaitpe si kalik. 
Nemnemem din ad-ado ay initdoam ya din binadbadangam ay magay kabaelan da. 
Pinapigsam abe sin kalim din nadismaya ya nadadagsenan sin ligat da. 
Ngem ed wani ay sik-a di maligatan yan adi kan maanosan. 
Patpatgem si Diyos ya magay maipabasol en sik-a, et lebbeng na ay mantalek ya mannamnama ka. 
Nemnemem kod na. Ay wada aya di magay basol na ay dosaen Diyos ta matey? 
Siya na di inilak: Din mangimola si basol ya problima et lawa di apiten da. 
Tan kaman napigsa ay dagem din bonget Diyos ay manadael en daida.”