Salmo.
67.
Apo, maseg-ang ka koma en dakami et ipailam di layad mo en dakami 
ta say maammoan am-in ay ipogaw din panlaydam, ya am-in ay nasyon et en da maisalakan. 
Idaydayaw koma am-in ay ipogaw sik-a ay Apo, idaydayaw da san nabanol ay ngadan mo. 
Manragsak koma din nanasyon et mankanta da, tan pag kosto am-in ay ikeddeng mo en daida ya idaldalan mo abe din kailiili isnan daga. 
Idaydayaw koma am-in ay ipogaw sik-a ay Apo, idaydayaw da san nabanol ay ngadan mo. 
Indawat Diyos ay Apo mi san nawadwad ay apit mi, tan binindisyonana din daga mi. 
Ad-ado ay bindisyon di indawdawat na, isonga dakayo am-in ay ipogaw isnan daga, patgen ya egyatan yos sisya.