Ezra.
2.
E dogologo digau nogo noho hege gu hagatanga mai Babylon, gu lloomoi labelaa gi Jerusalem mo Judah, tei gii hana gi dono gowaa donu nogo noho ai. Nia madahaanau digaula nogo noho hege i Babylon, mai hua di madagoaa di King Nebuchadnezzar ne lahi digaula be digau lawalawa gaa dugu i golo. 
Nadau dagi go Zerubbabel, Joshua, Nehemiah, Seraiah, Reelaiah, Mordecai, Bilshan, Mispar, Bigvai, Rehum, mo Baanah. Aanei nia ingoo nia madahaanau o Israel mo togologo o di madahaanau e dahi ala ne loomoi gi daha mo di noho hege: 
Parosh - 2,172 Shephatiah - 372 Arah - 775 Pahath-Moab (di hagadili ni Jeshua mo Joab) - 2,812 Elam - 1,254 Zattu - 945 Zaccai - 760 Bani - 642 Bebai - 623 Azgad - 1,222 Adonikam - 666 Bigvai - 2,056 Adin - 454 Ater (e gahi labelaa bolo Hezekiah) - 98 Bezai - 323 Jorah - 112 Hashum - 223 Gibbar - 95 
Digau ala nadau maadua mmaadua nogo noho i nia waahale aanei gu lloomoi labelaa: Bethlehem - 123 Netophah - 56 Anathoth - 128 Azmaveth - 42 Kiriath-Jearim, Chephirah, mo Beeroth - 743 Ramah mo Geba - 621 Michmash - 122 Bethel mo Ai - 223 Nebo - 52 Magbish - 156 Di Elam dela i golo - 1,254 Harim - 320 Lod, Hadid, mo Ono - 725 Jericho - 345 Senaah - 3,630 
Aanei nia ingoo o nia madahaanau gau hai mee dabu ala ne lloomoi i di nadau noho hege: Jedaiah (aanei go di hagadili Jeshua) - 973 Immer - 1,052 Passhur - 1,247 Harim - 1,017 
Nia madahaanau digau Levi ala ne lloomoi i di noho hege: Jeshua mo Kadmiel (di hagadili ni Hodaviah) - 74 Digau daahili o di Hale Daumaha (di hagadili ni Asaph) - 128 Digau madamada humalia di Hale Daumaha (di hagadili ni Shallum, Ater, Talmon, Akkub, Hatita, mo Shobai) - 139 
Nia madahaanau digau hai hegau o di Hale Daumaha ala ne lloomoi i di nadau noho hege: Ziha, Hasupha, Tabbaoth, Keros, Siaha, Padon, Lebanah, Hagabah, Akkub, Hagab, Shamlai, Hanan, Giddel, Gahar, Reaiah, Rezin, Nekoda, Gazzam, Uzza, Paseah, Besai, Asnah, Meunim, Nephisim, Bakbuk, Hakupha, Harhur, Bazluth, Mehida, Harsha, Barkos, Sisera, Temah, Neziah, mo Hatipha. 
Nia madahaanau o nia dama hai hegau a Solomon ala ne lloomoi i di nadau noho hege: Sotai, Hassophereth, Peruda, Jaalah, Darkon, Giddel, Shephatiah, Hattil, Pochereth-Hazzebaim, mo Ami 
Togologo o nia hagadili digau hai hegau di Hale Daumaha mo di gau hai hegau a Solomon ala ne loomoi i nadau noho hege e 392. 
Nia daangada e 652 guu dau gi lodo nia madahaanau o Delaiah, Tobiah mo Nekoda ala ne loomoi i nia dama waahale lligi o Tel-Melah, Tel-Harsha, Cherub, Addan mo Immer, gei digaula gu deemee di haga modongoohia be ginaadou nia hagadili o Israel. 
Nia madahaanau hai mee dabu labelaa aanei ala digi hagamodongoohia ina go di beebaa be dehee di nadau hagatau mai nadau maadua mmaadua: go Habaiah, Hakkoz, mo Barzillai. (Tamana madua ni di madahaanau gau hai mee dabu o Barzillai gu hai lodo gi di ahina mai di madahaanau Barzillai o Gilead, ge guu kae di ingoo tamana dono lodo). Idimaa nadau damana mmaadua gu de iloo be di ma koai, dela ne hidi ai digaula ga deemee di hai digau hai mee dabu. 
Di gobinaa digau o Jew guu hai gi digaula bolo digaula e deemee di gai nia mee ala gu haga dabu ang gi God, gaa dae loo gi tangada hai mee dabu dela e mee di hai hegau i nia ‘Urim’ mo ‘Thummim’. 
Togologo o digau nogo noho hege ala gu loomoi - 42,360 digau hai hegau daane mono ahina - 7,337 digau daahili daane mono ahina - 200 nia hoodo - 736 nia hoodo ‘donkey’ - 245 nia ‘camel’ - 435 nia ‘donkey’ - 6,720 
Di madagoaa digaula ne lloomoi i di nadau noho hege gaa dau gi di Hale Daumaha i Jerusalem, ge hunu dagi madahaanau gu gaamai nadau wanga dehuia belee hagamaamaa di hagaduu aga labelaa di Hale Daumaha gi dono lohongo. 
Digaula gu dahi aga nadau mee ala e mee ang gi di moomee deenei, huogodoo ne gila mai nia pauna goolo e 1,030, nia pauna silber e 5,740, mo nia gahu lloo o digau hai mee dabu e 100. 
Digau hai mee dabu, digau Levi, mo hunu daangada labelaa guu noho i lodo be e hoohoo gi Jerusalem. Digau daahili, digau hagaloohi di Hale Daumaha, mo digau hai hegau o di Hale Daumaha guu noho i lodo nia dama waahale hoohoo mai gi Jerusalem, mo digau Israel ala ne dubu i golo guu noho i lodo nia dama waahale i nia gowaa ala nogo noho ai nadau maadua mmaadua.