Psalm.
93.
Dimaadua la di King. Mee e laagei gi nia mahi mo nia madamada. Henuailala gu mau dangihi gi dono lohongo, gu deemee di ngalungalua. 
Meenei Dimaadua, do lohongo king la nogo mau dangihi mai loo i taamada, gaa dae mai gi dangi nei, gei Goe nogo i golo mai taamada. 
Meenei Dimaadua, di llala di moana e ngoloolo, digaula e ngoloolo loo gi nua. 
Dimaadua e dagi di langi i ono mogobuna. Ono mogobuna koia e mahi i di ngoloolo o di moana, ge koia e maaloo i nia beau llauehaa o di moana. 
Meenei Dimaadua, au haganoho le e waalooloo hua beelaa, gei do Hale Daumaha la koia e dabuaahia huoloo, gaa hana hua beelaa.