Psalm.
125.
Digau ala e hagadagadagagee gi Dimaadua, le e hai gadoo be di Gonduu Zion, dela e deemee di haga ngalungalua, gei e noho hua beelaa. 
E hai be nia gonduu ala e daabui mai di waahale damana o Jerusalem, deelaa gadoo di hai a God e daabui mai ana daangada dolomeenei, ga hana hua dono hagaodi ai. 
Digau huaidu la hagalee nnoo mau e dagi i hongo tenua o digau humalia, maa nei bolo gaa hai beelaa, gei digau ala humalia holongo gaa hai nia mee huaidu. 
Meenei Dimaadua, heia di humalia gi digau ala e humalia, ala go digau ala e hagagila aga au haganoho. 
Do madagoaa ma ga daaligi digau ala e hai nia mee huaidu, daaligidia labelaa digau ala e huli gi daha mo oo ala. Di aumaalia gi noho hua beelaa i baahi Israel!