Psalm.
128.
E maluagina go digau ala e hagalongo gi Dimaadua, ge e daudali ana haganoho. 
Goe gaa kae o hagahumalia mai i au hegau ala ne hai. Goe ga tenetene ga humalia adu gi di goe. 
Doo lodo gaa hai gadoo be di laagau ‘grape’ dela e huwa daulogo i lodo doo hale, gei au dama daane gaa hai gadoo be nia dama laagau olib ala e haganiga dau deebele. 
Taane dela e hagalongo gi Dimaadua le e hai loo gi haga maluagina gadoo beenei. 
Dimaadua gi haga maluagina ina goe mai i Zion! Goe gii mee hualaa di mmada gi di gila humalia o Jerusalem i di waalooloo o do mouli! 
Goe gi mouli hualaa gii mee goe di mmada gi nia dama o au dama! Di aumaalia gi noho hua beelaa i baahi Israel!