Psalm.
136.
Danggee ang gi Dimaadua, idimaa Mee e humalia. 
Danggee gi di God dela koia e aamua i nia god huogodoo. 
Danggee gi di Tagi dela koia e maaloo i hongo nia dagi huogodoo. 
Go Mee modogoia dela e hai ana mogobuna hagagoboina. 
Mee ne hai di langi gi dono kabemee. 
Mee ne hai henuailala gi hongo nia wai llala. 
Mee ne hai di laa mo di malama. 
Di laa e dagi di aa. 
Di malama mo nia heduu e dagi di boo. 
Mee gu daaligi gii mmade nia ulu mmaadua dama daane digau Egypt. 
Mee guu lahi digau Israel gi daha mo Egypt, 
gi nia mahi mo nia mogobuna mahi o nia lima o Maa. 
Mee gu wwae lua di Tai Mmee. 
Mee guu lahi ana daangada laa lodo di tai deelaa. 
Mee guu hai di king o Egypt mo ana gau dauwa gi mmaalemu. 
Mee guu lahi ana daangada laa lodo di anggowaa. 
Mee gu daaligi gii mmade nia king maaloo dangihi. 
Mee gu daaligi gii mmade nia king ala e dau, 
ala go Sihon, di king o digau Amor, 
mo Og, di king o Bashan. 
Mee guu wanga nia henua digaula gi ana daangada. 
Mee guu wanga nia maa gi Israel, go dana dangada hai hegau. 
Mee digi de langahia e Ia gidaadou i tadau madagoaa ne magedaa. 
Mee ne haga dagaloaha gidaadou gi daha mo tadau hagadaumee. 
Mee ne wanga nia meegai gi nia manu mouli huogodoo. 
Goodou danggee ang gi di God o di langi.