15
Ri vuku' ángeles ri jachon ri ruq'uisbel tak vuku' k'axomal pa quik'a'
1 Jac'ari' yin Juan xintz'et chic jun nimalaj retal ri chicaj ri jani na xsatz nuc'u'x xu'on. Xintz'et vuku' ángeles ri jachon ri vuku' ruq'uisbel tak k'axomal pa quik'a', ri achok riq'uin nik'ax-vi royoval ri Dios.* Ap. 14:10; 16:1.
2 (Chuka', ka) xintz'et achel jun mar* Ap. 4:6. chay-chay nitzu'un ri banon mezclar k'ak' riq'uin y xentz'et ri xetiquer chirij ri na'ey chicop riq'uin ri man xeka ta pa ruk'a', ni man xexuque' ta* Ap. 13:15. chuvech ri ruvachibel, ni man xquiya' ta lugar chi xyo'ox retal ri chicop nis-ta ri ru-número ri rubi' chiquij. Rije' epa'el pa ruvi' ri mar ri', quic'ualo'n arpas ri yecuses richin niyo'ox ruk'ij ri Dios. 3 Niquibixaj rubix ri Moisés* Ex. 15:1. ri rusamajinel ri Dios y rubix ri Alaj Oveja. Ri bix quire' nu'ij:
Ajaf Dios, rat ri c'o ronojel uchuk'a' pan ak'a',
Roj nisatz kac'u'x nikatz'et ri nimalaj tak samaj abanon.
Can kitzij y choj* Dt. 32:4; Os. 14:9. ri na'an,
Rat ri rat Rey pa quivi' conojel tak tinamit.
4 Man jun ri man ta xtuxi'ij-ri' chavech,* Ex. 15:14.
Y man ta xtuya' ak'ij rat, Ajaf,
Roma xaxe rat ri rat lok'olaj.
Romari' conojel vinak choch'ulef xquepe richin nuquiya' ak'ij,
Roma xk'alajin chi can choj vi runic'oxic ri c'aslen xa'an.
Quiri' nu'ij ri bix ri niquibixaj.
5 Chirij ronojel re', xintz'et chi ri chicaj xjakataj* Ap. 11:19. ri Lugar Más Lok'olaj che ri racho ri Dios, ri jay ri yaquel-vi ri tz'ajtz'ak tak abaj ri tz'iban-vi ru-ley ri Dios. 6 Chupan c'a ri racho ri Dios xe'el-vi-pe ri vuku' ángeles ri quic'amon-pe jujun k'axomal pa quik'a' chiquijununal. Ri ángeles ri' quicusalo'n ch'ajch'oj tak tziek ri banon riq'uin lino,* Ex. 28:6; Ez. 44:17. y nitz'intz'ot nitzu'un. Y quiximon roquic'u'x che jujun ximibel ri banon riq'uin oro. 7 Jun c'a chique ri (caji', quiji') c'o quic'aslen,* Ap. 4:6. xuya-e jujun lak ri banon riq'uin oro pa quik'a' chiquijununal ri vuku' ángeles, y ri lak ri' nojnak-e riq'uin royoval ri Dios, ri Dios ri can c'o-vi jumul-jumul. 8 Ri racho ri Dios xnoj* Ex. 40:34; 1 R. 8:10; 2 Cr. 5:14. riq'uin sib* Is. 6:4. roma ri nimalaj ruk'ij y ri ruchuk'a'* 2 Ts. 1:9. rija'. Y man jun nitiquer ntoc-apu chiri', c'a tibanataj na ri vuku' ruvech k'axomal ri niquiya' ri vuku' ángeles.