11
Ri e ca'i' ri yek'alajirisan richin ri Dios
1 Y xbejach c'a pe jun aj* Ez. 40:3. chuve, ri achi'el jun che' richin etabel.† Zac. 2:1. Y xbix c'a chuka' chuve: Cabiyin y tavetaj rupan ri rachoch ri Dios, tavetaj ri altar, y que'avajlaj-pe ri janipe' ri yeyo'on ruk'ij ri Dios chiri'. 2 Jac'a ri ruva-jay‡ Ez. 40:17. ri richin ri rachoch ri Dios, man tavetaj, roma xa jachon chic pa quik'a' ri vinek ri man e israelitas ta. Cavinek c'a ic' riq'uin ca'i'§ Ap. 13:5. xtiquixek'-xtiquipalibej* Dn. 8:10; Lc. 21:24. ri lok'olej tinamit. 3 Y yin xtinya' c'a el uchuk'a' chique ri e ca'i' rusamajela' ri Dios,† Ap. 19:10. richin chi niquik'alajirisaj ri ruch'abel ri Dios.‡ Ap. 20:4. Y ri ca'i' samajela' ri' queri' c'a xtiquiben mil doscientos sesenta k'ij,§ Ap. 12:6. y quicusalon c'a chuka' tziek ri richin bis.
4 Y ri e ca'i' c'a ri', je ri ca'i' achi'el che' olivos* Sal. 52:8; Zac. 4:3. y ri e ca'i' achi'el candeleros ri ec'o-apo chuvech ri Dios, ri Rajaf ri ruvach'ulef. 5 Y vi c'o c'a jun vinek ri c'o jun etzelal ri nrajo' nuben chique ri e ca'i' ri', man xtitiquir ta. Roma ri e ca'i' ri', can nel c'a k'ak'† Jer. 5:14. pa quichi' richin niquiq'uis. Y ri jun ri can c'o c'a nrajo' nuben chique, can xtiq'uis-vi c'a riq'uin ri k'ak' nel pa quichi' ri e ca'i' ri'. 6 Can yo'on c'a chuka' uchuk'a' pa quik'a' ri e ca'i' ri', richin niquitz'apej ri job‡ 1 R. 17:1; Stg. 5:16, 17. chupan ri k'ij tok rije' niquik'alajirisaj ri ruch'abel ri Dios. Can yetiquir c'a chuka' niquiben quic' chire ri ya'.§ Ex. 7:19. Yetiquir c'a chuka' yequiya' xabachique k'axomal pa quivi' ri aj-ruvach'ulef tok nic'atzin. 7 Y tok ri e ca'i' ri' quiq'uison chic ruk'alajirisaxic ri ruch'abel ri Dios, ri itzel chicop ri nipe chupan ri itzel jul k'eku'n rupan, xtuchop c'a quij ri e ca'i' ri', xqueruch'ec* Dn. 7:21; Zac. 14:2. y pa ruq'uisibel xquerucamisaj. 8 Y ri quich'acul xquec'oje' c'a can ri pa nima-bey richin ri nimalej tinamit Jerusalem. Tinamit ri acuchi chuka' xcamisex-vi chuva ri cruz ri Kajaf Jesucristo,† He. 13:12. y tinamit ri nibix chuka' Sodoma y Egipto chire, roma ri itzel tak quibanobal ri vinek ri ec'o chiri'. Can e achi'el ri vinek ri xec'oje' ri pa Sodoma y ri pan Egipto. 9 Y oxi' c'a k'ij riq'uin nic'aj xquec'oje' ri ch'aculaj chiquivech ri vinek ri man junan ta quitinamit, man junan ta quetzu'un, man junan ta quich'abel y man junan ta quiruvach'ulef.‡ Ap. 17:15. Y can man xtiquiya' ta c'a k'ij chi ri ch'aculaj ri' yebemuk ta can.§ Sal. 79:2, 3. 10 Y ri vinek c'a ri' xquequicot janíla roma ri e ca'i' xequen yan (xecom yan). Y roma ri quiquicoten ri' can janíla, can xquequibanala' c'a sipanic ri chiquivech ka rije'; roma can xec'ayevatej c'a pa quik'a' ri e ca'i' k'alajirisey ruch'abel ri Dios.* Ap. 11:3. 11 Jac'a tok k'axinek chic ri oxi' k'ij riq'uin nic'aj, ri Dios xuben c'a chi xc'oje' chic quic'aslen† Gn. 2:7; Ez. 37:5, 14. ri e ca'i' ri'. Romari' rije' can xepa'e' chic c'a el jun bey. Y ri vinek ri xetz'eton quichin, can janíla c'a xibinri'il xpe chique. 12 Y ri e ca'i' k'alajirisey ruch'abel ri Dios ri xc'oje' chic el jun bey quic'aslen, xcac'axaj c'a chi c'o jun ri nich'on-pe chique riq'uin uchuk'a' ri c'a chila' chicaj,‡ 2 R. 2:1; Is. 14:13. y nubij c'a pe chique: Quixampe c'a vave' chicaj, xcha'.
Y ri e ca'i' ri' can xebe na vi el chicaj chupan jun sutz'.§ Is. 60:8; Hch. 1:9. Y ri vinek ri xe'etzelan quichin, can xequitz'et c'a el tok xebe chila' chicaj. 13 Y can jac'ari' xpe jun nimalej silonel* Ap. 16:19. (cab-raken) chuvech ri ruvach'ulef, y jun c'a chique ri lajuj partes richin ri tinamit xbe c'a pan ulef. Y ri vinek ri xequen (xecom) roma ri silonel (cab-raken) e vuku' mil. Jac'a ri ch'aka' chic vinek ri ec'o chupan ri tinamit ri' y man jun xquic'ulvachij, xpe c'a janíla xibinri'il chique. Y xquiya' c'a ruk'ij-ruc'ojlen ri Dios ri c'o chila' chicaj.
14 Y que c'a re', xk'ax can ri ruca'n ruc'ayeval pa ruvi' ri ruvach'ulef. Y can ja chic c'a ri' chanin petenek ri rox ruc'ayeval.† Ap. 8:13.
Tok ri ruvuk ángel xuxupuj ri ru-trompeta
15 Y jac'ari' tok ri ruvuk ángel xuxupuj ri ru-trompeta.‡ Is. 27:13. Y ec'o ri riq'uin uchuk'a' xech'on-pe ri chila' chicaj, y niquibila' c'a:
Ri tinamit ri ec'o chuvech ri ruvach'ulef,
vacami e richin chic ri Kajaf Dios y e richin chuka' chic ri Cristo ri cha'on-pe roma ri Dios.
Y can jari' ri xtik'aton tzij richin jantape',§ Dn. 2:44; 4:3, 34; Mi. 4:7; Lc. 1:33. xecha'. 16 Y che juvinek-caji'* Ap. 4:4. rijita'k achi'a' ri e tz'uyul-apo chuvech ri Dios, can jac'ari' xexuque-ka chuvech, y xquikasaj-qui' c'a pan ulef richin niquiya' ruk'ij. 17 Y tok ye'ajin c'a chuya'ic ruk'ij ri Dios, niquibij c'a:
Kajaf Dios, matiox nikaya' chave.
Rat ri can c'o ronojel uchuk'a' pan ak'a',
y can atc'o-vi-pe pa rutiquiribel, atc'o vacami, y xcac'oje' chuka' re xtibe-apo.† Ap. 1:4.
Matiox nikaya' chave roma vacami xk'alajin ri nimalej uchuk'a' ri c'o pan ak'a',
y ja rat ri K'atoy-Tzij.
18 Ri tinamit ri ec'o chuvech ri ruvach'ulef yacatajinek c'a coyoval chavij rat,
pero xa can ja yan c'a ri' xoka' ri k'ij richin chi rat nak'ej ri avoyoval pa quivi'.
Y can jac'a chuka' re' xoka' ri k'ij richin chi rat nak'et tzij‡ Dn. 7:9; Hch. 10:42; 2 Ti. 4:1; 1 P. 4:5; Ap. 6:10. pa quivi' ri caminaki'.
Pero chique ri asamajela' ri e k'alajirisey ri ach'abel,
chique ri lok'olej tak avalc'ual y chique ri yeyo'on ak'ij,
can xtaya' c'a rajel-ruq'uexel chique, chi cocoj chi nima'k.
Y can xoka' c'a chuka' ri k'ij chi rat ye'aq'uis ri vinek ri yebanon chire ri ruvach'ulef richin niq'uis, xecha' ri juvinek-caji' rijita'k achi'a'.
19 Y jac'ari' tok ri rachoch ri Dios chila' chicaj, xjakatej ri ruchi'. Y can nik'alajin c'a pe ri cáxa§ Ex. 25:21, 22; Nm. 4:5; He. 9:4-8. ri richin ri ru-trato ri Dios. Y xepe c'a coyopa', ch'abel, cokolajay, jun silonel (cab-raken), y jun camic sakboch.
*11:1 Ez. 40:3.
†11:1 Zac. 2:1.
‡11:2 Ez. 40:17.
§11:2 Ap. 13:5.
*11:2 Dn. 8:10; Lc. 21:24.
†11:3 Ap. 19:10.
‡11:3 Ap. 20:4.
§11:3 Ap. 12:6.
*11:4 Sal. 52:8; Zac. 4:3.
†11:5 Jer. 5:14.
‡11:6 1 R. 17:1; Stg. 5:16, 17.
§11:6 Ex. 7:19.
*11:7 Dn. 7:21; Zac. 14:2.
†11:8 He. 13:12.
‡11:9 Ap. 17:15.
§11:9 Sal. 79:2, 3.
*11:10 Ap. 11:3.
†11:11 Gn. 2:7; Ez. 37:5, 14.
‡11:12 2 R. 2:1; Is. 14:13.
§11:12 Is. 60:8; Hch. 1:9.
*11:13 Ap. 16:19.
†11:14 Ap. 8:13.
‡11:15 Is. 27:13.
§11:15 Dn. 2:44; 4:3, 34; Mi. 4:7; Lc. 1:33.
*11:16 Ap. 4:4.
†11:17 Ap. 1:4.
‡11:18 Dn. 7:9; Hch. 10:42; 2 Ti. 4:1; 1 P. 4:5; Ap. 6:10.
§11:19 Ex. 25:21, 22; Nm. 4:5; He. 9:4-8.