12
Ya ri Jesús tikatzu'
1 Y ruma chi can ye q'uiy ri achi'el quisutin qui' chikij ri niquic'ut chkawech chi can xquicukuba' quic'u'x riq'ui ri Dios, quec'ari' tikabana' riyoj, tikaya' ca ri mac y xabachique ri yojk'ato, ri nuben chake chi ma yojbiyin ta jabel riq'ui ri Dios. Y xa tikatija' kak'ij* 1 Co. 9.24. yojbiyin riq'ui coch'onic, riche (rixin) chi queri' yojcowin nbekaq'uisa' ri bey ri c'a c'o na chkawech. 2 Yac'a ri Jesús ri tikatzu'† Zac. 12.10; 2 Co. 3.18. ronojel k'ij. Ruma ya Riya' ri nibano‡ Tek nubij “autor de la fe”, re' ntel chi tzij chi ya ri Jesucristo ri xjako ri kabey chi yojapon c'a riq'ui ri Dios. chake chi nikacukuba' kac'u'x riq'ui ri Dios. Y ya Riya' ri nibano chake chi nitz'aket ri kacukbel c'u'x riq'ui ri Dios. Riya' ma xupokonaj ta xcom chuwech cruz,§ Fil. 2.8; 1 P. 1.11. astape' ri camic chuwech cruz q'uixbel, ruma Riya' retaman chi sibilaj quicoten xtril. Can xucoch' c'a ronojel. Y xbetz'uye'* Sal. 110.1; Lc. 24.26; He. 1.3; 8.1. chila' chicaj pa rajquik'a' ri Dios ri c'o ronojel uchuk'a' riq'ui.
3 Tich'obo' na pe' chi utz ri achique ri xuben ri Jesús tek c'o ri xuc'ulwachij pa quik'a' ri aj maqui'. Riya' xucoch' ronojel.† Jn. 15.20. Quec'ari' tibana' riyix. Ticoch'o' ronojel. Man c'a quixcos ta,‡ Ga. 6.9. ni ma timalij ta ic'u'x. 4 Kitzij wi chi itijon ik'ij chrij ri mac, pero c'a ma jane ik'axan ta jun tijoj pokonal§ He. 10.32-34. ri can ta yix ruc'uan pa camic. 5 Riyix xa imestan ca ri pixa' ri nubij chupan ri ruch'abel ri Dios ri tz'ibatal ca. Ri ruch'abel can yojrupixabaj c'a achi'el jun tata'aj nupixabaj ri ralc'ual. Ruma nubij:
Ma itzel ta tana' tek ri Ajaf Dios yaruya' pa jun tijoj pokonal* Job 5.17. riche (rixin) chi yarupixabaj.
Ma tamalij ta ac'u'x tek ri Ajaf can nuc'ut chawech chi ma ya ta ri yatajin chubanic.
6 Ruma ri Ajaf yeruya' pa tijoj pokonal ri yerajo',† Sal. 94.12; Stg. 1.12. riche (rixin) chi yerupixabaj.
Can quec'ari' nuben quiq'ui ri ye ralc'ual chic.
Quec'ari' ri tz'ibatal ca.
7 Ticoch'o' c'a ronojel ri tijoj pokonal ri nuya' ri Dios chiwe, ruma Riya' nuben c'a chiwe achi'el nuben jun tata'aj.‡ Dt. 8.5. Ruma, ¿la c'o cami jun tata'aj ri man ta nuya' xc'a'y chique ri ralc'ual? 8 Y rumari', wi ri Dios ma yixruya' ta pa tijoj pokonal riche (rixin) chi yixrupixabaj, xa can nik'alajin chi ma yix ta ralc'ual, ni majun itata' ri nitijon iwuche (iwixin). 9 Tek riyoj c'a yoj cocoj na, ri katata' xquiyala' xc'a'y chake, y ma xeketzelaj ta. Xa can xkaya' quik'ij. ¿Y la ma más ta cami utz chi nikanimaj rutzij ri Katata' Dios, ri achoj riq'ui petenak wi ri c'aslen riche (rixin) ri kánima? Ruc'amon chi nikanimaj rutzij, y queri' can xtikil wi ri c'aslen. 10 Ri katata' xquiya' xc'a'y chake riche (rixin) jun ca'i' oxi' k'ij, y can ya c'a ri xcajo' riye', yari' ri xquiben chake. Yac'a ri Katata' Dios yojruya' pa tijoj pokonal, riche (rixin) chi c'o utzil nuc'om pe ri pa kac'aslen; riche (rixin) chi yoj-oc lok'olaj§ Lv. 19.2. tak winek, y yoj-oc ta achi'el Riya', ri can Lok'olaj wi. 11 Kas kitzij wi chi tek yojc'o pa jun tijoj pokonal, ma nuya' ta quicoten chake, xa yoj-ok' ruma. Pero can c'o utz ri nuc'ut ca chkawech, ruma nuben más choj chake y nuya' ri uxlanibel c'u'x* Stg. 3.18. chake riyoj ri can nikacoch' ri tijoj pokonal ri'.
Ri ye'etzelan ri rutzil ri Dios
12 Rumac'ari', ticukuba' ic'u'x riq'ui ri Dios, riche (rixin) chi nic'oje' chic el iwuchuk'a'; riche (rixin) chi ri ik'a' iwaken nic'oje' chic el quichuk'a'.† Is. 35.3. 13 Nic'atzin c'a chi tic'uaj jun bey choj, riche (rixin) chi queri' ri kach'alal ri xa ca'i' quic'u'x quibanon riq'ui ri Dios, riq'ui chi niquitz'et ri ic'aslen‡ Ga. 6.1. riyix, xquec'achoj, y ma xque'el ta el chupan ri bey riche (rixin) ri Dios, xa xtiquichop chic jun bey niquic'uaj jun c'aslen choj.
14 Titija' ik'ij chi nic'oje' ta ri uxlanibel c'u'x chicojol,§ Ro. 14.19. y chi nich'ajch'ojir ta apo ri ic'aslen.* Mt. 5.8; 1 Ts. 4.3. Ruma xabachique winek ri ma xtich'ajch'ojir ta ri ruc'aslen, ma xtutz'et ta ruwech ri Ajaf Dios. 15 Can tibana' c'a cuenta chi'iwach'alal iwi' riche (rixin) chi queri' chi'iwonojel niwil ri rutzil ri Dios. Ma tiya' ta k'ij chi ntoc ri etzelal pan ic'aslen, ri xa achi'el jun c'ayilaj k'ayis ri xa nuben q'uey chare ronojel. 16 Man xa tibanatej chi yec'o kach'alal achi'a' y kach'alal ixoki' niquicanoj qui' riche (rixin) chi yemacun y xa ma quic'ulaj ta qui'. Y can majun bey tikaben chare ri nusipaj ri Dios chake chi majun rejkalen achi'el xuben ri Esaú ri ojer ca. Riya' can c'o ta wi jun bendición nim ri xuc'ul, ruma ya riya' ri nimalaxel, pero xa majun bendición ri xuc'ul, ruma yari' ri xuya' chuwech ri jun wa'in.† Gn. 25.33, 34. Can majun c'a rejkalen xuben chare chi ya riya' ri nimalaxel. 17 Y can iwetaman c'a chi tek riya' xrajo' chi xya'ox (xya') ta ri bendición pa ruwi' ruma ri rutata'; xa xbix chare chi majun chic bendición riche (rixin) riya'; y astape' can xok' chuc'utuxic,‡ Gn. 27.34. pero majun ri xcowin ta ri xuben riche (rixin) chi xuc'ul ta chic ri bendición ri'.
18 Riyix ri iniman chic ri Jesucristo, ma chuxe' ta ri juyu' Sinaí rubi' yixc'o wi apo.§ Ex. 19.12; Ro. 6.14; 8.15; Ga. 4.24, 25. Man achi'el ta xquiben ri kati't kamama' ojer ca. Riye' xec'oje' chiri' y c'o c'a jun k'ij tek xquitz'et chi ruwi' ri juyu' ri' nijino pa k'ak'. Y xquitz'et chuka' chi pa ruwi' ri juyu' xoc k'eku'm y c'o jun nimalaj cak'ik' rachibilan coklajay.* Ex. 20.18. 19 Xquic'axaj c'a chi xk'ajan trompeta, y xquic'axaj chuka' tek xch'o pe ri Dios quiq'ui. Pero riye' xquic'utuj utzil chi man chic tich'o ta pe quiq'ui,† Ex. 20.19; Dt. 5.24; 18.6. 20 ruma ma niquicoch' ta chic ri xibinri'il, ruma xbix chique chi xabachique ri xtipalben ri juyu' ri', wi jun‡ Ex. 19.12, 13. winek o jun chicop, can xticamisex wi chi abej o chi lanza. Queri' ri bin chique. 21 Ri xtz'etetej c'a pa ruwi' ri juyu', can nuya' wi xibinri'il.§ Ex. 19.16. Rumari' hasta ri Moisés, ri uc'uayon quiche (quixin) ri kati't kamama', xubij: Yibarbot (yibaybot) ruma nxibin wi', xcha'.
22 Yac'a riyix ri iniman chic ri Jesucristo, chuxe' ri juyu' Sion rubi' yixc'o wi apo. Yixc'o chic nakaj chare ri tinamit riche (rixin) ri c'aslic Dios, ri nibix Jerusalem chare, y chila' chicaj c'o wi,* Sal. 68.17; Ga. 4.26; Fil. 3.20. ri acuchi (achique) quimolon wi qui' pa tak mil chi ángeles. 23 Riyix yixc'o chic chuka' apo quiq'ui ri nabey tak ralc'ual† He. 2.12. ri Dios ri tz'ibatajnek chic quibi'‡ Lc. 10.20. chila' chicaj. Yixc'o chic apo riq'ui ri Dios ri nik'ato tzij pa quiwi' quinojel. Y yixc'o chic chuka' apo quiq'ui ri cánima ri majun quimac yetz'etetej ruma ri Dios ri ye caminek chic el y can choj chic banon chare ri quic'aslen. 24 Riyix yixc'o chic apo riq'ui ri Jesús ri chojmirisayon ri c'ac'ac' trato ri xuben ri Dios quiq'ui ri winek. Riya' xcom y ri ruquiq'uel§ 1 P. 1.2. ri xbiyin, yari' ri nich'ajch'ojsan ri kánima, y ri ruquiq'uel Riya' más rejkalen* He. 7.19; 8.6. que chuwech ri ruquiq'uel ri Abel.
25 Tikachajij ki' riche (rixin) chi man ta niketzelaj ri nubij ri Dios chake. Ma tikaben ta achi'el xquiben ri kati't kamama' ojer ca. Riye' xquetzelaj ri pixa' ri xbix chique chuwech re ruwach'ulef, rumari' xka ri ruc'ayewal pa quiwi'.† Nm. 16.1-50. Y wi riyoj xtiketzelaj ri pixa' ri petenak c'a chila' chicaj, más nim ri ruc'ayewal ri xtika pa kawi'. 26 Tek ri Dios xch'o pa ruwi' ri juyu', ri juyu' xsilon.‡ Ex. 19.18. Yac'a re wacami nubij: Xtapon c'a jun k'ij tek ma xu (xe) ta chic ri ruwach'ulef ri xtinsiloj, xa can xtinsiloj chuka' ri caj,§ Hag. 2.6. xcha'. 27 Y ri nubij chi xa yesilon, ri' ntel chi tzij chi xquejalatej* Sal. 102.26; Mt. 24.35. c'a el ronojel ri xa ye k'axel y ri xa ye banon. Riche (rixin) chi queri' xa can xu (xe wi) xquecanaj ca ri majun bey xquejalatej ta. 28 Y rumari' tikamatioxij chi kiche (kixin) chic riyoj ri k'atbel tzij ri can majun nisilon ta riche (rixin). Y riche (rixin) chi yojmatioxin chare ri Dios, tikabana' c'a ri rusamaj, can achi'el ri nika chuwech Riya'. Tikaxibij c'a ki' chuwech y tikaya' chuka' ruk'ij. 29 Ruma ri ka-Dios can achi'el jun k'ak' ri yeruq'uis† Sal. 21.9; 2 Ts. 1.8. ronojel ri ma ye utz ta.
*12:1 1 Co. 9.24.
†12:2 Zac. 12.10; 2 Co. 3.18.
‡12:2 Tek nubij “autor de la fe”, re' ntel chi tzij chi ya ri Jesucristo ri xjako ri kabey chi yojapon c'a riq'ui ri Dios.
§12:2 Fil. 2.8; 1 P. 1.11.
*12:2 Sal. 110.1; Lc. 24.26; He. 1.3; 8.1.
†12:3 Jn. 15.20.
‡12:3 Ga. 6.9.
§12:4 He. 10.32-34.
*12:5 Job 5.17.
†12:6 Sal. 94.12; Stg. 1.12.
‡12:7 Dt. 8.5.
§12:10 Lv. 19.2.
*12:11 Stg. 3.18.
†12:12 Is. 35.3.
‡12:13 Ga. 6.1.
§12:14 Ro. 14.19.
*12:14 Mt. 5.8; 1 Ts. 4.3.
†12:16 Gn. 25.33, 34.
‡12:17 Gn. 27.34.
§12:18 Ex. 19.12; Ro. 6.14; 8.15; Ga. 4.24, 25.
*12:18 Ex. 20.18.
†12:19 Ex. 20.19; Dt. 5.24; 18.6.
‡12:20 Ex. 19.12, 13.
§12:21 Ex. 19.16.
*12:22 Sal. 68.17; Ga. 4.26; Fil. 3.20.
†12:23 He. 2.12.
‡12:23 Lc. 10.20.
§12:24 1 P. 1.2.
*12:24 He. 7.19; 8.6.
†12:25 Nm. 16.1-50.
‡12:26 Ex. 19.18.
§12:26 Hag. 2.6.
*12:27 Sal. 102.26; Mt. 24.35.
†12:29 Sal. 21.9; 2 Ts. 1.8.