^
Koteyewi Timinisene Amo Seyawa Wekeye
1. Puwano fa:nemi Koteyewi peleya: sosolo weyamowa a timinima:na: Kotewa kokolo kao enekeye.
2. Kote Ewa kokolo kao elaposakeye.
3. Kote Ewa hele heneya penaiyawalapulu ho:liyawalapulu elakeye.
4. Peleya: we mei falala nano ketea sopoke Kote ene hetetima epita: heteti.
5. Koteyewi timinisewa hele heneye hekeya sopokeye.
6. Sena sale amokiwa Koteyewi mokopo seselese napola:tesekeye.
7. Kotewa nini ni Atakeye.
8. Kote penaiyawa sosokeye.
9. Koteyawa takale matanesewa sosokeye.
10. Peleya: sopoke Kotewa elakeye.
11. Koteyawa niwa hauwekilise seselakeye.
12. Koteyawa niwa himu hapa matanawa elakeye.
13. Kote Ewa hele heneye hekeyakeye.
14. Koteyawa niwa seli pota: elakeye.
15. Kotewa sena nini siyawa eta: potesemakeye
16. Olokeyatela timinisene sena kesalemawa Koteyawa konomona:sela: elakeye.
17. Koteyewi auma:na: e seyawa hele heneye alusekeye.
Yesuyewi Alusene Solo Seyawa Wekeye
18. Yesuwa ene Kotekeye.
19. Yesuwa Kote E Sa:keye.
20. Peleya: we mei falala a timinima:na: Yesuwa Kote elipe kou enekeye.
21. Yesuwa peleya: weyemi minawa senawamuna enekeye.
22. Peleya: we mei falala Koteyewi timiyakeye.
23. Yesuwa piseiki epela: elaposakeye.
24. Yesuyawa mane olokeyatelawa eta: timinisemakeye.
25. Kelesowemi kulu hapa sena kesale amowa Kelesowemi toma semetei epapulakeye. Kelesowamowa nini piseikikeye.
Ho Napowa Tima:na: Tisewa Wekeye
26. Koteyewi Ho Napowa epesita: mikeye.
27. Nini himuwemiwa Ho Napoyawa tima:na: tisekeye.
28. I fo napolo helesene epapuluse nini himu fa:nemiwa nano ketea napolo timinisewa mataneposakeye.
29. Kote tima:na: tisewa timita: Ho Napoyawa nimawa penaiya kalikalise mokopo kinisekeye.
30. Ho Napoyawa kimawa nano ketea walosaleke amo kuluse tiya:pa:.
Yesu Peleya: We Minawa E Tomayewi Nano Ketea Tisewa Wekeye
31. Yesuwa Meliyewi kesilawa wekeye.
32. Yesuyewi sena kesale nano ketea nakola telawa falepekeye.
33. Yesu sihelele silawa Yutaseyewi elakeye.
34. Yesuwa sana kumita: Yu sena tililayewi selapita: tikeye.
35. Yesuwa i kelipapoyawemi pala kulukeye.
36. Yesu kuluwa apanawemi tuwapowa wekeye.
37. Yesuwa kulapola: mene tesikeye.
38. Yesuwa kuluwa tesi tiye hepene falemi hapakeye.
Kote Mane Kulu Ha:na:pa:
39. Kelesowemi kulu hapa sena kesale Yesu sowa kulu ha:na:pa:.
40. Sena kesale sopoke mane olokeyatela timiyawa iya:ta:pa:.
41. Yesu Kelesowa niwamo seselese kulunase nini olokeyatelawa Yesuye tiye iya:peyakeye.
42. Sena kesale nowamoke Yesuwalapulu himu semetei matanepela: elaleke, Yesuyawa seselesekeye.
43. Kiyawa Kotemawana Yesumawana wapilipa:. Kili toma tiya:le onatu himu matana sopoke Kotema kina:pa:.
44. Kelesowemi kulu hapa sena kesale kuluwa hepene falemi Yesuwalapulu kokolo kao sitalaposakeye.
45. Koteyawa niwa sesema:na: epela: pukawemi momateyawa potapola: matanepa:.
Niwa Sesema:na:pela: Seyawa Wekeye
46. Kotema napolo epa e seyakeye.
47. Niwa Setenewalapulu kisi tetesene ikila emiwa penaiya sitalapose puka we akepa:.
48. Seli sitalapose nano ketea seli timinipa.
49. Sena kesale nowamoke kewa ikomonosaleke, keyawa heka tiyapa.
50. Kesalewa iwei tiyapa apula: sena elakemiwa hanapa.
51. Senayewi kesale tiwa iya:tapa. Kesaleyawa ke senawa iya:tapa.
52. Senayewi kesalewalapulu kesaleyewi senawanapulu himu hapa elatipa:.
53. Fapolo timinisene sena amowa tei hamona e selaposakeye.
54. Hano olokeyatela napela: nanano tesene epapula sita:latipa.
55. Mane olokeyatela kalila sopolo amoke kiwa ikomopesakeye.
56. Nano hilila fiyatekemiwa Koteyawa kiwa seseposakeye.
57. Keleso pala sena kesale kiyawa Kote mane kulu ha:na:pa:.
58. Kiyawa Kotewalapulu himu elipei eta: matanamake himu semetei matanepela: elaleke, Koteyawa kiwa seseposakeye.
59. Niyawa Kotema holosaleke, Koteyawa ta:taposakeye.
60. Kotema holosewa wekeye.
61. Koteyawa mane napolo timiya sena kesale amowa wa:la:ya heka napolo kinaposakeye.
62. Kotoma:na: ikila emiwa sena kesale ene tima:na: tili amo potapola: takaleposakeye.
63. Sena kesale kuluwa mene tesima:na:wa wekeye.
64. Setenewala ho olokeyatelawala wekeye.
65. Niyawa Yesu penaiya emi ho olokeyatela hamona e sela:pa:.
66. Yesuwa peleya: weyemi mene inaposakeye.
67. Falasima:na: peleya: emiwa tei wa:la eta: sekakolosema kokolo kao elaposakeye.
68. Hepene sena wekeye.
69. Moweni seyawa wekeye.
70. Mokopo selesene sena sowa ta:tapa.
71. Senayewi kewa ikomonosaleke, keyawa kepoliyetiya:pa:.
72. Kiwa ipipa:. Koteyawa niwa pote elakeye.
73. Keleso sena ma:e nowamoke olokeyatela timinisaleke, ewa hekepa:.
74. Senayewi mane olokeyatela timinisaleke, Koteyawa ewa falasi epesakeye.
75. Sena kesalewa Koteyawa mokopo seselesekeye.
76. Peleya: weyamo keteawamoke supa:pekitise pota:pa:.
77. Kewa toma potapose nano hilila hetetisaleke, weyamo akepa:.
78. Kote pukawemi kisala solowa momateyakeye.

© 2016 Wycliffe Bible Translators, Inc.