2 Aivia ra bung amutal a vapurpuruan ra balagu,

Ma amutal a bubur gigi iau ma ra umana tinata?

3 Amutal ga vala pit iau a vinun na pakana;

Ma pa amutal vavirvir ure ra magit dari amutal ga pait ia tagu.

4 Ona i dovot ba iau ga tar rara,

Kaugu nirara i ki tagu iat,

5 Ona amutal ki na luluai piragu,

Ma amutal takun iau ba iau vuna ta kaugu kini na malari,

6 Amutal a kapa ba God iat i ga vue pukue iau,

Ma i ga kinim vake iau ma kana ubene.

7 Iau kukukula: Di ubu iau! Ma pa ta na i valongore;

Iau kail upi ra maramaravut, ma pa ta na i varkurai ure.

8 I ga liplip bat kaugu nga, ma iau mama bolo,

Ma i ga vabobotoi ra umana pakapakana iau vana tana.

9 I tar tak vue kaugu minamar,

Ma i ga kap vue ra kere kan ra ulugu.

10 I ga rip vue iau da ra pal, ma iau tar panie;

I ga rubat vue kaugu ninunuk ung da di rubat vue ra davai.

11 I ga vamalamalapang kana kankan ure iau,

Ma i ga luk tar iau ta diat kana umana ebar.

12 Kana loko na tarai na vinarubu dia tut rangup ure iau,

Dia tur vartakalat bat iau

Ma dia tur kikil ra kubagu.

13 I tar vaki kaugu apik na tarai vailik kan iau,

Ma ra umana talaigu ave ki na vaira ma diat.

14 A umana niurugu dia ga nur vue iau,

Ma diat ave ga manga bartalaina ma diat, dia tar valubane iau.

15 Iau a vaira ka pire diat dia ki ra kubagu, ma pire diat bula kaugu umana tultul, a umana vavina; iau da ra tematana pire diat.

16 Iau oro pa kaugu tultul, ma pa i torom tagu,

Ba iau vala lul ia ma ra ngiegu.

17 Kaugu mamadang i bilak pire kaugu taulai,

Ma ra pakagu i kaina pire ra umana natugu.

18 A umana nat na bul dia kulume iau,

Ma ona iau tut dia vaula iau.

19 A umana talaigu tuna dia milikuane iau,

Ma nina iau ga mari diat, dia tut mulai ka ure iau.

20 A umana urugu dia ki petep ta ra pal i ra pakagu ma ra viogu,

Ma iau tia ki ga ta ra pulegi likilikutan.

21 Amutal a ma ri iau, amutal a mari iau, a utul a talaigu;

Tago ra lima i God i tar bili iau.

22 Ta ra ava amutal korot iau da God i pait ia,

Ma ta ra ava pa amutal maur ma ra viogu?

23 Gala da tumu vake kaugu umana tinata!

Gala da tumu vake diat ta ra buk!

24 Gala da poko diat ta ra vat upi diat a tur tukum,

Ma ra pen na palariam ma ra bol, gala na boina!

25 Iau nunure ba kaugu tena valaun i laun,

Ma ta ra bung murmur na tur ati ra pia;

26 Ma ba ra lavur kalolo dia tar vakaina ra pakagu,

Ina gire boko God ma ra matagu;

27 Maia, iau iat ina gire,

Ma ra ura kiau na matagu iat dir a bobobe;

I mamat ra balagu tana.

28 Ona amutal biti: Datal a korot mur ia,

Tago ra vunapai ra varmonong i ki tana,

29 Io, amutal a burutue ra pakat na vinarubu;

Tago ra pakat na vinarubu i bali ra kankan,

Upi amutal a nunure ba ra tena varkurai i ki.