1 God, maia pa, ra Luluai God i tar tata,

Ma i oro varurue pa ra rakarakan a gunagunan maro ra nguna a keake i vana rikai tana tuk tar ta ra nguna i kuba tana.

2 God i pupua rikai marama Sion,

A kaliana kakit.

3 Kada God na vut ma pa na ki mut!

A iap i ulur na lua tana,

Ma i tup ia ra vuvu kikil ia;

4 Na oro upi ra bala na bakut arama,

Ma upi ra rakarakan a gunagunan upi na kure ra taraina;

5 Avat a agure pa kaugu lavur tena lotu tadav iau,

Diat ba ave ga pait ra kunubu ma ra tinabar.

6 Ma ra bala na bakut na varvai ta kana mangamangana takodo;

Tago God iat i tena varkurai. Sela.

7 Kaugu tarai, avat a valongore, ma ina tata;

U Israel, ina pit u;

Iau God, maia, kaum God.

8 Pa ina pit u ure kaum lavur tinabar;

Ma kaum lavur tinabar di tun tar ia dia tur vatikai ta ra luaina matagu.

9 Pa iau mainge ta tikai ta kaum lavur bulumakau,

Ma pa iau mainge bula ra me ta kaum kikil na me.

10 Tago ra lavur leing ta ra pupui kaugu diat,

Ma ra lavur vavaguai ta ra arip na marmar na lualuana bula.

11 Iau matoto ta ra lavur beo ta ra lualuana,

Ma ra lavur kuabar ta ra lokalokor kaugu diat.

12 Gala ina mulmulum, gala pa ina ve u,

Tago ra rakarakan a gunagunan kaugu, ma ra lavur magit i kor tana kaugu bula.

13 Dave, ina en ra kanomong i ra bulumakau bar?

Ba kan ina (mome ra gapu i ra me?

14 Una tul tar ra tinabar na pite varpa tai

God;

Ma una pait ot pa kaum lavur vavalima pire ra Ngala Kakit;

15 Ma una kail iau ta ra bung ba u ki na malari tana;

Ina valaun u, ma una pite pa iau.

16 Ma tadav ra tena varpiam God i biti dari:

U varvai dave ta kaugu lavur togotogo,

Ma dave u vatavatang kaugu kunubu?

17 Tago u milmilikuane ra varpit,

Ma u piam vue kaugu tinata.

18 Ba u gire ta tena nilong amur gugu varurung me,

Ma ava varirivut ma ra umana tena nipo.

19 U tak ra ngiem upi ra kaina tinata,

Ma ra karameam i vavagu.

20 U ki, ma u takun turam,

U takun vavaongo pa natu i tinam iat;

21 U tar pait go ra lavur magit, ma iau ki mut uka,

U ga biti ba dor varogop uka;

Ma ina pit u boko, ma ina vaarike kaum mangamangana tikatikai ta ra luaina matam.

22 Io, avat ba ava nuk vue God, avat a nuk pa nam;

Kan ina karat kadakadal u, ma pa ta na akari ba na valavalaun;

23 Diat par ba dia tul tar ra tinabar na pite varpa dia ru iau,

Ma nina i mal pa kana mangamangana,

Ina ve tar ra valavalun kai God tana.