A Umana Kakailai.
11.
Kai nina i lue ra kakailai; kai David. Iau rivarivan tai ra Luluai; Dave ava biti tagu: Una lop tar ta kaum luana da ra beo? 
Tago, gire, a umana tena varpiam dia lele ra panak, Dia vung vaninare kadia pu ta ra vinau, Upi diat a tut nina i takodo ta ra bobotoi. 
Gala di vakaina vue ra vunapaina, Ava ra umana tena takodo diat a gala pait ia? 
Ra Luluai i ki ta kana pal tabu, Ra Luluai, kana kiki na king i tur arama ra bala na bakut, A kiau na matana i gire ra umana natu i ra tarai, ma ra pilpil na matana i valar diat. 
Ra Luluai i valar ra umana tena takodo. Ma ra tulungeana i pidimuane ra tena varpiam ma nina bula i varvakaina. 
Na vapeal ra umana kun pire ra umana tena varpiam; A iap ma ra pakar ma ra malamalapang na vuvu, nam kadia tiniba. 
Tago ra Luluai i takodo, I mainge muka ra mangamangana takodo; A umana tena takodo diat a gire ra matana.