A Umana Kakailai.
82.
A kakailai kai Asap. God i tur livuan ta ra kivung na tarai kai God; Na varkurai livuan ta ra umana god vakuku. 
Aivia ra bung boko kavava varkurai na rara, Ma avat a ru vakuku ra umana tena varpiam? Sela. 
Avat a kure maravut diat dia bilua ma ra umana nat na ling bula, Avat a vatakodo ra varkurai ure diat di monong diat ma ure ra umana luveana. 
Avat a valaun ra umana bilua ma diat dia ki na niiba; Avat a valangalanga diat kan ra lima i ra umana tena varpiam. 
Pa dia kabinana ma pa dia minana; Dia vana vurvurbit ta ra bobotoi; A vunapaina par kai ra rakarakan a gunagunan i tariri. 
Iau ga biti: Ava da ra umana god, Ma avat par a umana natu i ra Ngala Kakit. 
la kaka avat a mat da ra tarai, Ma avat a virua da tika na luluai. 
Una tut, God, una kure ra rakarakan a gunagunan, Tago una kale pa boko ra lavur vuna tarai par.