A Umana Kakailai.
87.
A kakailai kai ra tarai Kora. Ra Luluai i vung ra vunapaina iat ta ra luana gomgom, 
Ra Luluai i manga manane ra umana matakilalat i Sion, Ta ra lavur pia na pal kai Iakob. 
Di tatike ra lavur enana tinata ure u Ra pia na pal kai God. Sela. 
Ina vatang Rab ma Babilon varurung ma diat dia nunure iau; Gire Pilistia, ma Tiro, ma Etiopia; Di ga kava To An aro; 
Maia, da biti ure Sion: Di ga kava go ra tutana ba nam tana. Ma ra Ngala Kakit iat na vatur vapadikat ia. 
Ba i tumu vake ra tarai, ra Luluai na biti dari: Go di ga kava ie. Sela. 
Ma diat a kakailai, ma diat a malagene dari: A lavur vunapai kaugu gugu dia tur piram.