2
Vakota kwekanigaga
1 E ka! mabigasina Yaubada la biga eisaiki Aisea matauna Amosi latula paila Yuda deli Yerusalem.
2 Igau yam omatadasi
koya makwaina ambaisa Bwala Kwebumaboma eititoki
makwaina bivagi bikwaiwonaku bikalisuwoli komwaidona
e bikalituwoli odubasi komwaidona koya.
E boda bidubadu bikagigilasi wala bimakaiasi makwaina,
3 e tomotala boda makwaisina bikaibigasi, kawasi,
“Tauwau, kumaisi tamwenasi Guyau ola koya,c Koya makwaina Saiyoni, tumilela Bwala Kwebumaboma olumoulela mapilana Yerusalem.
e bitalokaiasi mina Isireli si Yaubada la Bwala Kwebumaboma.
E matauna bivitulokaidasi avaka magila bitavagaisi;
e yakidasi bitaliloulasi wa keda makadasina bogwa einagi.
Paila Guyau la vituloki imaima metoya Yerusalem,
e metoya Saiyoni matauna bililivala baisa la tomota.”
4 E matauna wala bibuyoyu kominimani oluwalaisi boda budovakaveka.
E matausina bitutaisi si puluta bimila daima
e bitutaisi si kaiyala bimila kema.
E boda kwaitala kwaitala gala wala tuvaila bilosi okabilia,
e gala tuvaila bikatubaiasasi paila kabilia. 2.4 Yoe 3.10; Mai 4.1-3
5 E ka! yakidasiga tubula Yekobe, kumaisi, komwaidodasi wala bitaliloulasi Guyau ola lumalama makwaina bogwa eisakaidasi.
Kaiveka nona Yaubada bivabu
6 Wo Yaubada, bogwa lokusilavi m tomota matausina Yekobe dalela! E valu mapilana opilibomatu deli leila mapilana Pilisitia ivakasuwoki wala mina migameguva. E tomota ibokulaisi wala kasi gulogula mina mitawasi. 7 E si valu ivakasuwoki wala siliba deli goula, e si veiguwa gala bikatutuli. Makawala goli si wosa deli si waga kaibibiu gala bikatutuli ivakasuwoki wala si valu. 8 Tuvaila si valu ivakasuwoki wala minasina tokolu leibubulokaisi yumasi titoulesi, e matausina ititemmalaisi minasina.
9 Taitala taitala matausina biyomitulaisi valu kala mmosila deli kasi mmosila titoulesi. Wo Guyau, taga bukuligaiwa si mitugaga.
10 Matausina bisakaulasi bilosi wa lagi wa koya makwaisina raibwagawokuva wala isipepunisi, kaina bikelisi kasi nobwala opwaipwaia mwada bisakauligilaisi Guyau la gibuluwa, deli bisipepunisi metoya ola peula deli la guyugwayu! 2.10 2 Ts 1.9; YG 6.15 11 Ka, yam kwaitala bivitoulai tomota si kamnomwana deli ninasi kala kaiveka biwokuva. E Guyau wala kalamwaleta bitakaigalaisi yagala. 12 Wa yam makwaina Guyau Topeuligaga bivabu availa availa matausina mina didabala deli availa matausina mina kamnomwana deli ninasi walakaiwa. 13 Matauna bivakubali kweisila makaisina kaiuwonaku mapilana Lebanoni deli komwaidona makaisina yawa oviluwela Basani. 14 Matauna bikaliyeili koya kwevakaveka deli kwekikekita, 15 deli bivadidaimi komwaidona bolela kabilia kwaiuwonaku deli komwaidona valu kalisi kwepapeula. 16 Matauna bivabeku komwaidona waga kaivakaveka makaisina saina kemanabwaita goli. 17-18 Tomota si kamnomwana deli ninasi kala kaiveka biwokuva. Komwaidona tokolu mokwitatoula wala bitamwausi e Guyau wala kalamwaleta bikaraiwogaidasi wa yam makwaina.
19 E avai tuta Guyau bima biiku valu watanawa, tomota bisakaulasi bilosi isipepunisi wa lagi wa koya makwaisina raibwagawokuva, kaina bikelisi kasi nobwala opwaipwaia mwada bisakauligilaisi Guyau la gibuluwa, deli mwada bisipepunisi metoya ola peula deli la guyugwayu. 20 Avai tuta yam makwaina bikaloubusi matausina bilavaisi minasina tokolu leibubulaisi metoya goula deli siliba, e biligaimwaisi wala kwakwau deli magiyaweda kasi bwala. 21 Avai tuta Guyau bima paila biiku valu watanawa, tomota bisakaulasi bilosi isipepunisi omlopu deli wa lagi wa koya makwaisina raibwagawokuva mwada bisakauligilaisi Guyau la gibuluwa deli mwada bisipepunisi metoya ola peula deli la guyugwayu.
22 Mwa, taga kudubumi tomotala pwaipwaia. Paila avaka kasi yeiwau?