23
Yesu omatala Pailato
(Md 27.1-2,11-14; Mk 15.1-5; Yn 18.28-38)
1 Togugula komwaidona matausina itokaiasi ivakoulisi matauna omatala Pailato. 2 Ivitouulasi itabinakaisi matauna, ikaibigasi, kawasi, “Lakabanaisi tau matauna iyogagi ma tomotasi; isilibodi bakapokalasi baisa Sisa, e ikaibiga kidamwa matauna titoulela taitala giyouveka yagala Keriso.”
3 Pailato ikatupoi matauna, kawala, “Ki, yoku si giyouveka mina Yudia?”
Yesu ivitakauloki matauna, kawala, “Yokula lokukwaibiga.”c Yokula lokukwaibiga. Gagabila bitagini, “Mayeigula goli, makawala yoku lokukwaibiga.”
4 Pailato iluki tolula kasi tokugwa toyo tobobawa, kawala, “Gala avaka kala pakula matauna labani.”
5 Mitaga ikominimanisi sainela, kawasi, “Iteya ninasi tomota la vituloki! Ivitouula ivituloki mina Galili,d Kugisi Lk 1.26 kala katumiki. e imakaia Yudiae Kugisi Lk 1.39 kala katumiki. ivigimkulovi oda valusi baisa.”
Yesu omatala Erodi
6 Tutala Pailato ilagi makwaina, ikatupoi kaina matauna guma Galili. 7 E tutala inikoli kidamwa matauna metoya ola kabokwaraiwaga Erodi,f Matauwena Erodi Anitipasa; kugisi Lk 3.1 kala katumiki. iwitali matauna bila baisa Erodi, paila matauwena isisu Yerusalem wa tuta matutona. 8 E tutala Erodi igisi Yesu, saina imwamwasila nanola; paila tuta kaduwonaku magila bigisi matauna, paila bogwa ilagi bulogala, e ipikwaku bigisi matauna bivagi avai vavagi siligaga. 9 E ikikatupoi matauna tuta kaduwonaku, mitaga gala avaka bimapu. 10 Tolula kasi tokugwa toyo toninitalapula paila Karaiwaga itotusi otalila, saina minimani itabinakaisi matauna. 11 E Erodi toyo la tokwabilia ikatudeuwaisi e ikaluwouwaisi matauna; oluvi ivisikomaisi matauna okakapula yaminabwaita, ikaimilivauwaisi matauna baisa Pailato. 12 E metoya wa yam makwaina Erodi toyo Pailato ikalubailasi; paila omitibogwa leiuvataisi kasitaiyu.
Ikaraiwagasi kidamwa Yesu bikaliga
(Md 27.15-26; Mk 15.6-15; Yn 18.39—19.16)
13 E Pailato idou tolula kasi tokugwa toyo tokwaraiwaga toyo tomota bisigugulasi, 14 e iluki matausina, kawala, “Lokumiakaigusi tau matauna makawala taitala iyogagi tomota. Mapaila bogwa lakatupoi omitami, e ka! gala avaka kala pakula labani paila avaka lokutabinakaisi matauna. 15 E, Erodi makawala wala, paila ikaimilivau matauna baisa yakamaisi. Ka, gala leivagi avaka bibodi kaliga matauna. 16 Mapaila bawaiya e bataneku matauna.”g Mimilisi buki pilabubogwa ikatumkulovaisi mailela 16, iginisi, “ 17 Paka makwaina ola tuta, ibodi Pailato bitaneku taitala tokwatupipi baisa matausina.”
18 Mitaga komwaidosi idouwaisi kaigitinidesi, kawasi, “Matauna kuligaiwa. Kutaneku Baraba baisa yakamaisi.” 19 Paila mimilisi tokowolova eitokaiasi ipakaisi valu kala karaiwaga; e tokwabilia eiyosisi matauna Baraba eisailisi wa bwala katupipi. E tokwatumata matauna.
20 E Pailato ilivala baisa matausina tuvaila, mwada bitaneku Yesu. 21 Mitaga minimani idouwaisi, kawasi, “Matauna kukwatukorosi, kukwatukorosi!”
22 E sivitolula ikatupoi matausina, kawala, “Avaka dimlela? Avai mitugaga leivagi? Gala abani kwaitala la sula avaka bibodi kaliga, mapaila bawaiya e bataneku matauna.”
23 Mitaga saina minimani ikapinivekasi idousi sainela kidamwa bikatukorosi matauna. E kaigasi ikalisau. 24 Pailato ikaraiwaga ibodi bivagaisi makawala si nigada. 25 Itaneku matauna bogwa leisailisi wa bwala katupipi paila kowolova deli katumata, uula inigadaisi matauna; mitaga Yesu ikasali kidamwa bivagaisi makawala ninasi.
Ikatukorosaisi matauna
(Md 27.32-44; Mk 15.21-32; Yn 19.17-27)
26 Taitala Saimoni guma Sairinih Mapilana Sairini si viloumatala mina Libia mapilana Africa opiliyavata. imaima metoya okidodina. E tutala ivakoulisi Yesu iyosisi matauna isailisi korosi ovilavala matauna, kidamwa bikeula bibokuli Yesu.
27 Tobobawa sainela ibokulaisi matauna, toyo vivila iuvalamsi ikavinavinasi paila matauna. 28 Mitaga Yesu itovila iluki minasina, kawala, “Wo! yokomi vilemi Yerusalem, taga kuvalamsi paila yeigu, mitaga kuvalamsi paila yokomi titoulemi, toyo litumia. 29 Paila ka! wa yam makwaisina eimaimaisi tomota bikaibigasi, kawasi, ‘Bimwasawasi minasina nakaliga, toyo minasina gala bisumasi, toyo minasina gala bivanunusi.’ 30 Wa tuta matutowena bivitouulasi bilukwaisi koya kwevakaveka, kawasi, ‘Kukwapusisi bukutumaimasi,’ e baisa koya kwekikekita, ‘Kukubolaimasi.’ 23.30 Osi 10.8; YG 6.16 31 Paila kidamwa bivagaisi vavagi baisa wa kai kaigeyata, avaka bivigakaisi wa kai kaimatutila?”i Makwaina bigivakala kala katumiki “Kidamwa tobwaila biboda kala kamwaga makawala baisa, avaka bikaloubusi baisa taitala tomitugaga?”
32 Ivakoulisi taiyu tuvaila tolibulebu kidamwa bikatumataisi deli matauna. 33 E bogwa iviloubusisi mapilana baleku idokaisi Pwaneta,j Idokaisi mapilana makawala paila uula kwaitala dukutotu isisu katitaikina e kala gigisa makawala pwaneta. baisa ikatukorosaisi matauna, toyo matausina tolibulebu, taitala ola kakata, taitala ola kikiwama. 34 E Yesuk E Yesu.Mimilisi buki pilabubogwa gala wala iginisi “E Yesu ikaibiga, kawala, ‘Tamagu, kuligaiwa si mitugaga; paila gala inikolaisi avaka iuvagaisi.’ ” ikaibiga, kawala, “Tamagu kuligaiwa si mitugaga; paila gala inikolaisi avaka iuvagaisi.”
E ikowobobutasi kidamwa bivilaisi kala kwama. 23.34 Sam 22.18 35 Tomota itotusi igigisaisi; mitaga tokwaraiwaga ikatudeuwaisi matauna, ikaibigasi, kawasi, “Eikatumovi tomota ituwoli. Kidamwa matauna la Mesaia Yaubada, e Yaubada kala tonaga, ibodi bikatumovi titoulela.” 23.35 Sam 22.7
36 E tokwabilia tuvaila ikatudeuwaisi matauna, imaisi mwada bisakaisi waini pwayuyu, 23.36 Sam 69.21 37 ikaibigasi, kawasi, “Kidamwa yoku si giyouveka mina Yudia, kukwatumovaim titoulem.”
38 Tuvaila isisu kala ginigini walakaiwa odabala,l walakaiwa odabala.Mimilisi buki pilabubogwa ikatumkulovaisi, “obonasi mina Girisi toyo mina Roum toyo mina Iberu” (Kugisi Yn 19.20). “Matauna si Giyouveka mina Yudia.”
39 E taitala matausina tolibulebu leikatukorosaisi ividali matauna, kawala, “Ki, yokula Mesaia? Kukwatumovaim titoulem toyo yakama.”
40 Mitaga taiyuwela ibuyoyu sola, ikaibiga, kawala, “Ki, gala kukukoli Yaubada? Paila kada kamwaga e matauwena kala kamwaga makawala goli. 41 E yakida goli kada mipuki duwosisia; paila takakau avaka ibodi mapula da mitugaga. Mitaga matauwena gala avaka gaga leivagi.” 42 E ikaibiga, kawala, “Yesu, kululuwaigu kala tuta bukuyosi m Kwaraiwaga.”
43 E Yesu iluki matauna, kawala, “Kululuwai baisa, lagaila wala bitasisu kadataiyu mapilana Paradaisi.”m Kugisi makasana Biga Kala Katumiki.
Yesu ikaliga
(Md 27.45-56; Mk 15.33-41; Yn 19.28-30)
44 Bogwa itowota kalasia, e valu komwaidona idudubila igau ila itobala kalasia. 45 E wa tuta matutona kalasia gala visigala. Deli Bwala Kwebumaboma kala taboda karekwan Miyana itabodi matabudona Bomikikila Sainela olopola Bwala Kwebumaboma. itavisiki yayu. 23.45 Sun 26.31-33 46 Oluvi Yesu iwaiweya, e ikaibiga, kawala, “Tamagu, bilomagu asaiki oyamam.” E bogwa ilivala makawala, itugwali bilomala ikaliga. 23.46 Sam 31.5
47 Tutala kumatoula igisi avaka ikaloubusi iyakawoli Yaubada, kawala, “Mokwitala matauna tobwaila goli.”
48 E komwaidona tobobawa leisigugulasi kidamwa bigigisasi, tutala igisaisi avaka ikaloubusi, ikaimilavausi iwawaiyasi vitakosi. 49 E komwaidosi sala deli minasina vivila leibokulaisi matauna metoyasi mapilana Galili,o Kugisi Lk 1.26 kala katumiki. itotusi kaduwonaku igigisaisi vavagi makwaisina. 23.49 Lk 8.2-3
Yosepa ibaku Yesu
(Md 27.57-61; Mk 15.42-47; Yn 19.38-42)
50 E isisu taitala tau yagala Yosepa metoya mpana si valu mina Yudia yagala Alimatia.p Mapilana Alimatia isisu Yerusalem opiliyavata kala kaduwonaku Giribwa bitala Tukwaukwa (35 km). E togugula matauna, tobwaila deli tomitukwaibwaila. 51 Gala itagwala paila togugulaq Kugisi Lk 22.66 kala katumiki. ninasi toyo si vavagi, e iuwayausa paila Yaubada la Karaiwaga. 52 Tau matauna ilokaia Pailato inigadi wowola Yesu. 53 E ivabu minana ikapoliki omwaikapula yapupwakau yaminabwaita; e ibaku wa laka leikeli metoya odakuna, baisa gala taitala ibakubogwisi. 54 E yam makwaina Yamla Katubaiasa, e sabater Kugisi makasana Biga Kala Katumiki. eivitouula.s Yam nabwaia bivitouula okoyavi otutala kalasia eisalili.
55 Vivila minasina leimaisi deli matauna metoyasi mapilana Galili, ibokulaisi e igisaisi laka deli ammakawala ibakwaisi wowola. 56 E ikaimilavausi ikatubiasaisi bulami ituwoli ituwoli maiina simasimina.
Wa yam sabate ivaiwasisi makawala Karaiwaga makwaina. 23.56 Sun 20.10; Kak 5.14
c23:3 Yokula lokukwaibiga. Gagabila bitagini, “Mayeigula goli, makawala yoku lokukwaibiga.”
d23:5 Kugisi Lk 1.26 kala katumiki.
e23:5 Kugisi Lk 1.39 kala katumiki.
f23:7 Matauwena Erodi Anitipasa; kugisi Lk 3.1 kala katumiki.
g23:16 Mimilisi buki pilabubogwa ikatumkulovaisi mailela 16, iginisi, “ 17 Paka makwaina ola tuta, ibodi Pailato bitaneku taitala tokwatupipi baisa matausina.”
h23:26 Mapilana Sairini si viloumatala mina Libia mapilana Africa opiliyavata.
23:30 23.30 Osi 10.8; YG 6.16
i23:31 Makwaina bigivakala kala katumiki “Kidamwa tobwaila biboda kala kamwaga makawala baisa, avaka bikaloubusi baisa taitala tomitugaga?”
j23:33 Idokaisi mapilana makawala paila uula kwaitala dukutotu isisu katitaikina e kala gigisa makawala pwaneta.
k23:34 E Yesu.Mimilisi buki pilabubogwa gala wala iginisi “E Yesu ikaibiga, kawala, ‘Tamagu, kuligaiwa si mitugaga; paila gala inikolaisi avaka iuvagaisi.’ ”
23:34 23.34 Sam 22.18
23:35 23.35 Sam 22.7
23:36 23.36 Sam 69.21
l23:38 walakaiwa odabala.Mimilisi buki pilabubogwa ikatumkulovaisi, “obonasi mina Girisi toyo mina Roum toyo mina Iberu” (Kugisi Yn 19.20).
m23:43 Kugisi makasana Biga Kala Katumiki.
n23:45 Miyana itabodi matabudona Bomikikila Sainela olopola Bwala Kwebumaboma.
23:45 23.45 Sun 26.31-33
23:46 23.46 Sam 31.5
o23:49 Kugisi Lk 1.26 kala katumiki.
23:49 23.49 Lk 8.2-3
p23:50 Mapilana Alimatia isisu Yerusalem opiliyavata kala kaduwonaku Giribwa bitala Tukwaukwa (35 km).
q23:51 Kugisi Lk 22.66 kala katumiki.
r23:54 Kugisi makasana Biga Kala Katumiki.
s23:54 Yam nabwaia bivitouula okoyavi otutala kalasia eisalili.
23:56 23.56 Sun 20.10; Kak 5.14