20
Kasi kabutu paila waini bigulela
1 “Labuma Karaiwogala makawala baisa. Taitala tolibagula waini bulubuvisiga isalili mwada bikabutu baisa availa bibagulasi ola bagula. 2 Ikabutu matausina kidamwa mapusi kwaitala yam kwaitala kina, e iwitali matausina ola bagula. 3 Kaukwau ililoula, igisi mimilisi tuvaila itomakavasi obikubaku; 4 e iluki matausina, kawala, ‘Yokomi tuvaila kulosi ogu bagula, e basakaimi avaka bibodi.’ E ilosi. 5 Ililoula lalavi toyo eitovila kalasia e ivigivau makawala. 6 E bogwa bisalili kalasia ililoula tuvaila e ibani mimilisi itomakavasi. E ikatupoi matausina, kawala, ‘Avaka paila kutomakavasi baisa paila yam komwaidona?’ 7 Ilukwaisi matauna, kawasi, ‘Paila gala taitala bikabutaimasi.’ Iluki matausina, kawala, ‘Yokomi tuvaila kulosi ogu bagula.’
8 “Bogwa idudubali e tolibagula waini iluki la tolibaku, kawala, ‘Kudou tobigubagula kumapu matausina. Kuvitouula kumapu matausina tovabodanim, e kuvigimkulovi baisa matausina ikugwasi.’ 20.8 Tol 19.13; Kak 24.15 9 E matausina ivitouulasi si paisewa kalasia bogwa bisalili idoubogwi. E tutala imaisi, taitala taitala ikau kwaitala kina. 10 Tutala matausina tolobogwa imaisi, idokaisi bikauwaisi deli kala katumkovila; mitaga taitala taitala matausina tuvaila ikau kwaitala kina. 11 E tutala ikauwaisi makawala, ikominimanisi baisa tolibagula ikaibigasi, kawasi, 12 ‘Matausina tovabodanim iwotetilasi gala imomwa; mitaga yakamaisi lakalumkolaisi yam kala koni mwau deli kalasia kala yuviyavi, e lokuvigaki matausina makawala yakamaisi.’
13 “Mitaga ivitakauloki taitala, kawala, ‘Sogu, gala ayogagaim. Bogwa lakabutaimi paila kwaitala kina, ke? 14 Kukwau kam mapu, e kula; magigu basaiki matausina tovabodanim makawala lasakaim. 15 Kaina kudoki gala ibodaigu banagi ammakawala basaiki ulo maniv basaiki ulo mani.Gagabila bitaginisi “basaiki ulo guguwa”. baisa availa? Kugisi lamitukwaii matausina, e baisa kaina eikau matam ke?’
16 “Mapaila matausina tovabodanim bikugwasi, e tokugwa bivabodasinim.” 20.16 Md 19.30; Mk 10.31; Lk 13.30
Yesu isivitolula ivitububoti la kaliga
(Mk 10.32-34; Lk 18.31-34)
17 Yesu ililoula bila Yerusalem. Wa keda ililoulasi ililoulasi, e idouyumali toligalega tailuwotala taiyu. Iluki matausina, 18 kawala, “Ka, bitawaisi Yerusalem. Baisa bikasalaigusi yeigu Latula Tomota baisa tolula kasi tokugwa toyo toninitalapula paila Karaiwaga; e bikaraiwagasi bakaliga; 19 oluvi bikasalaigusi baisa matausina gala mina Yudiaw Yesu ililivala paila mina Roum matausina itokwaraiwagasi wa tuta matutona. kidamwa biyosokanaisi, bilogumtaigusi, bikatukorosaigusi e yam kwaitolula batokaia bamovavau goli.”
Yemesa sola Yoni si nigada
(Mk 10.35-45)
20 Imakaia matauna Sebedi la kwava toyo litula,x Matausina goli taiyu aposetolo yagasi Yemesa sola Yoni; kugisi Md 26.37 deli Mk 10.35. e minana ikavagina omatala, inigada bitagwala kwaitala vavagi bwaina baisa minana.
21 E ikatupoi minana, kawala, “Avaka magim?”
Iluki matauna, kawala, “Kukwaraiwaga kidamwa matausina litugwa bisilaisi, taitala om kwakata, taitala om kikiwama,y Wa tuta matutona kabokwaraiwaga matausina tovakaveka tuta tuta bisilaisi katitaikina guyau ola kakata deli ola kikiwama. om kwabokwaraiwaga.”
22 Mitaga Yesu ivitakauloki, kawala, “Gala kunikolaisi avaka kuninigadaisi. Ki, kudokaisi gagabila bukumomsi viga mkwelana igau bamom?”
Ilukwaisi matauna, kawasi, “Baisa gagabila wala.”
23 Iluki matausina, kawala, “E mokwitala agu viga bukumomsi.z Baisa kabutuvitusila mmayuyu. Mitaga gala gagabila yeigu banagi availa bisili ogu kwakata deli ogu kikiwama; mitaga availa availa Tamagu bogwa leinagi, bisilaisi wala ambaisa eikatubiasi kabasi.”
24 Tutala matausina tailuwotala ilagaisi biga, isegibuluwaisi kasitaiyu. 25 Mitaga Yesu idou matausina bimakaiasi, ikaibiga, kawala, “Kunikolaisi kidamwa kasi tokwaraiwaga mina watanawa iguyoiyaisi matausina, deli tuvaila si gweguya ikikaraiwogaisi matausina. 20.25-26 Lk 22.25-26 26 Mitaga yokomi gala makawala; mitaga availa magila bitomgwaga, matauna budami; 20.26-27 Md 23.11; Mk 9.35; Lk 22.26 27 e availa magila bisisu kami tokugwa, matauwena bitugwali la momova komwaidona paila wotetila. 28 Makawala yeigu Latula Tomota lama gala paila tomota biwotitalaigusi, mitaga bawotitali matausina, e batugwalaigu okaliga kaimapusia kaimapusi.Obonasi mina Girisi si biga paila “kaimapu” mimilisi tuta kala kivila “taitala bimapu mani kwaiveka mwada mapula tokwatupipi bisilavi kala katupipi”. tomota bidubadu.”
Taiyu tokwau imitalala mitasi
(Mk 10.46-52; Lk 18.35-43)
29 Bogwa isilavaisi Yeriko,b Mapilana valu wa Waya Yoridani mapilana opilikwaibwaga, e Yerusalem opilibomatu kala kaduwonaku Kaduwaga bitala Kaibola (24 km). e saina tobobawa ibokulaisi matauna. 30 E ka, taiyu tokwau isisuaisi osiusiula keda. Tutala ilagaisi kidamwa Yesu ililoula, ikawotasi, ikaibigasi, kawasi, “Kunokapisaima, yoku Latula Debida.”
31 E tobobawa ibuyoyaisi matausina, ilukwaisi bikapatusi; mitaga ikawotavausi saina minimani, ikaibigasi, kawasi, “Tomoya, kunokapisaima, yoku Latula Debida.”
32 E Yesu itom idou matausina bimakaiasi, ikaibiga, kawala, “Avaka magimi bavigakaimi?”
33 Ilukwaisi matauna, kawasi, “Tomoya, kidamwa bimitalala mitamaisi.”
34 E Yesu inokapisi, ikabikoni mitasi; e wa tuta matutona imitalala mitasi, e ibokulaisi matauna.
20:8 20.8 Tol 19.13; Kak 24.15
v20:15 basaiki ulo mani.Gagabila bitaginisi “basaiki ulo guguwa”.
20:16 20.16 Md 19.30; Mk 10.31; Lk 13.30
w20:19 Yesu ililivala paila mina Roum matausina itokwaraiwagasi wa tuta matutona.
x20:20 Matausina goli taiyu aposetolo yagasi Yemesa sola Yoni; kugisi Md 26.37 deli Mk 10.35.
y20:21 Wa tuta matutona kabokwaraiwaga matausina tovakaveka tuta tuta bisilaisi katitaikina guyau ola kakata deli ola kikiwama.
z20:23 Baisa kabutuvitusila mmayuyu.
20:25 20.25-26 Lk 22.25-26
20:26 20.26-27 Md 23.11; Mk 9.35; Lk 22.26
a20:28 kaimapusi.Obonasi mina Girisi si biga paila “kaimapu” mimilisi tuta kala kivila “taitala bimapu mani kwaiveka mwada mapula tokwatupipi bisilavi kala katupipi”.
b20:29 Mapilana valu wa Waya Yoridani mapilana opilikwaibwaga, e Yerusalem opilibomatu kala kaduwonaku Kaduwaga bitala Kaibola (24 km).