BUKILA SAM
Kabovitouula
Mapilana Bukila Sam ibodi bitadoki buki wosi deli bukila nigada. Bidubadu tobutu eiginisi mapilasina sam. Eivitouulasi ginigini omitibogwa, e lakatuvila taitu ikatumkulovaisi tuvaila sam. Mina Isireli eikougugulaisi mapilasina e otutala tapwaroru tuta tuta ivigakaisi si nigada deli kasi wosi metoya biga mabigasina, e mapaila isailisi olumoulela si Buki Pilabumaboma.
Mapilasina sam bitabani bidubadu ituwoli ituwoli. Mimilisi isisu wosila yakaula deli wosila taimamila baisa Yaubada; mimilisi nigadela pilasi, kabokwala deli katumova; mimilisi nigadela mitugaga kala ligaiwa; mimilisi wosila nokagutoki paila Yaubada la mitakwai; e mimilisiga nigada mwada Yaubada bimipuki kasi tilaula. Makwaisina nigada ibodi kaina taitala bivigaki la nigada titoulela, kaina boda budoveka binigadasi gulitinidesi. Mimilisi nigada makwaisina ivitulokaidasi taitala tomota avaka kala lumkola onanola titoulela, mimilisiga ivitulokaidasi avaka magisi deli avaka kasi lumkola Yaubada la tomota.
Tuvaila ibodi bitaluluwai Yesu eikalawa deli einigada metoya mapilasina, deli matausina togini Kabutuvau eiginipeilisi bidubadu biga mabigasina. E metoya okala vitouula mabudona Ekalesia, matausina Yesu kala tobwakuli ivigakaisi pilamwaidona Sam veiguwatoula paila tapwaroru.
Uulela mapilana Sam iboda 150, mitaga ivigaki budolima kaina pilalima buki, baisa makawala.
Sam 1-41
Sam 42-72
Sam 73-89
Sam 90-106
Sam 107-150
BUKI PILIMATALA
(Sam 1-41)
1
Mwasawa mokwita
1 Availaga bimwasawa?
Ka, kidamwa bitapaiki tomitugaga si katuloluta,
e kidamwa gala bitabokuli tomitugaga si kidakeda
e gala bitatoulala osi deili matausina eipakaisi Yaubada,
e bogwala bitamwasawa.
2 Paila kidamwa bitakabikuwoli Guyau la Karaiwagaa Mapilasina buki pilalima Vitouula bila Karaiwaga Kwaiyuwela. baisa bivigaki da kabomwasawa.
Yumyam bugibogi goli bitatakutu karaiwaga makwaina onanoda.
3 Availa availa si bubunela makawala,
e matausina makawala kai itotu opapala sakala.
Makaina biwouwa okala kweluva,
e yekwesila gala wala bimwailela.
Ka, tomota matausina biyubwailasi
paila komwaidona vavagi avaka avaka iuvagaisi. 1.3 Yer 17.8
4 Mitaga tomitugaga gala goli makawala.
Matausina makawala wawa yagila iiyuvisau.b Otutala tayoyuwa mina Isireli bitavilevi witi deli wowala metoya ola pilasi yagila; bilavaisi witi deli wawa bila walakaiwa, e witi kwemomwau nani bikapusi bim opwaipwaia mitaga wawa yagila biyuvisau bila.
5 Yaubada bikamogic Bibodaisi kasi kamwaga wa yamla yakala. tomitugaga,
deli bitavilevid Gala bibanaisi kasi vilavila bwaina deli tomitukwaibwaila. metoya ola tomota tatoula.
6 Paila Guyau Yaubada iuvakadi deli iiyamati tomitukwaibwaila,
mitaga tomitugaga bidoumlabasi wala.
a1:2 Mapilasina buki pilalima Vitouula bila Karaiwaga Kwaiyuwela.
1:3 1.3 Yer 17.8
b1:4 Otutala tayoyuwa mina Isireli bitavilevi witi deli wowala metoya ola pilasi yagila; bilavaisi witi deli wawa bila walakaiwa, e witi kwemomwau nani bikapusi bim opwaipwaia mitaga wawa yagila biyuvisau bila.
c1:5 Bibodaisi kasi kamwaga wa yamla yakala.
d1:5 Gala bibanaisi kasi vilavila bwaina deli tomitukwaibwaila.