BUKILA SAM.
1.
Availaga bimwasawa? Ka, kidamwa bitapaiki tomitugaga si katuloluta, e kidamwa gala bitabokuli tomitugaga si kidakeda e gala bitatoulala osi deili matausina eipakaisi Yaubada, e bogwala bitamwasawa. 
Paila kidamwa bitakabikuwoli Guyau la Karaiwaga baisa bivigaki da kabomwasawa. Yumyam bugibogi goli bitatakutu karaiwaga makwaina onanoda. 
Availa availa si bubunela makawala, e matausina makawala kai itotu opapala sakala. Makaina biwouwa okala kweluva, e yekwesila gala wala bimwailela. Ka, tomota matausina biyubwailasi paila komwaidona vavagi avaka avaka iuvagaisi. 
Mitaga tomitugaga gala goli makawala. Matausina makawala wawa yagila iiyuvisau. 
Yaubada bikamogi tomitugaga, deli bitavilevi metoya ola tomota tatoula. 
Paila Guyau Yaubada iuvakadi deli iiyamati tomitukwaibwaila, mitaga tomitugaga bidoumlabasi wala.