SAM.
8.
Mwa Guyau! Ma Guyausi yoku. Komwaidosi mina watanawa ivitusaimsi yoku saina Tovakaigaga. Yoku kam yakaula saina walakaiwa, 
e gugwadi deli pwapwawa iusiwosisi kam yakaula. Yoku kusibwabwaila e gala gagabila kam tilaula biyogagaimsi, e availa availa ikoulovaimsi, yoku kusilibodi wala. 
Kidamwa bakowana wa labuma, baisa m bubuli wala, kainaga tubukona deli utuyam agigisi, baisa lokusaili okabasi, 
e kawagu, “Wa! Avakaga tomota kidamwa bibodi bukuninamsaimasi? E yakamaisi gala kama yeiwausi, kidamwaga bukuvaulaimasi??? 
Mitaga ka! Bogwa lokulupaimasi bakasisuaisi osikowam e yokugwa odubamaisi, e lokukwali odubamaisi kama dagulasi yakaula deli taimamila. 
Lokuvasanaimasi bakakaraiwogaisi komwaidona m bubuli. E lokuvigakaimasi vidubalela komwaidona m bubuli. 
odubasi komwaidona bulutuvalu, deli goli bolodila komwaidona, 
mauna nayoyowa deli yena, deli avai mauna avai mauna otukutaku. 
Mwa Guyau! Ma Guyausi yoku. Komwaidosi mina watanawa ivitusaimsi yoku saina Tovakaigaga.