SAM.
11.
Adubumi Guyau, paila matauna ulo kabokwala. Kaina tonagowa yoku lokulukwaigu kawam, “Kuyowa kula wa koya makawala mauna, 
paila tomitugaga ikatuvigilaisi si kaiyala e iiyamwasisi kidamwa bibasaisi tobubwaila odudubila. 
Avai tuta tobwaila uulela la kaisisu bigaga, avakaga gagabila matauna bivagi?” 
Guyau isisu ola Bwala Kwebumaboma. Matauna la takaikaia wa labuma. Imitakavati tomota ambaisa ambaisa e inikoli matausina avaka leiuvagaisi. 
Iwakoli tomitukwaibwaila deli tomitugaga makawala wala. Mitaga tokowolova karaiwaga ivigaki tokukolola goli. 
Iwitali dukupolu kweyuviyavi deli salipa kwelululu baisa tomitugaga, e imipuki matausina metoya waigigi. 
Guyau matauna tomitukwaibwaila, deli iyebwaili mitukwaibwaila. Matausina availa availa ibubunasi makawala bisisuaisi deli matauna.