SAM.
70.
Mwa Yaubada! Kukwatumovaigu. E Guyau, tuta baisa wala bukupilasaigu. 
Ibodi matausina availa availa mwada bikatumataigusi bimamasi deli bitakainowasi. Ibodi matausina availa availa imwasawasi paila uula yeigu aboda mwau bitovilasi bikaimilavausi deli kasi mmosila. 
Ibodi matausina availa availa iyosokanaigusi biyowa luposi sainela paila leimamasi. 
Ibodi komwaidosi availa availa imakaiamsi bimwasawasi deli ninasi kala mwamwasila. Ibodi komwaidosi availa availa ilivalasi biga nokagutoki paila m kwatumova tuta tuta bililivalasi kawasi, “Mwa Yaubada! Saina Tovakaigaga yoku.” 
E Yaubada, yeigu tomama e togumalawa goli yeigu. Kunanakwa bukumakaiagu. E Guyau, yoku agu tokwatumova. Mwa! Nani bukuma kupilasaigu!