SAM.
88.
Mwa Guyau! Yoku agu tokwatumova, yam kwemwaidona adoudou wala, e wa bogi ama baisa omatam. 
Kulagi ulo nigada, e kunakaigali ulo dou paila pilasi! 
Yeigu saina abudoboda vavagi mwau bidubadu, e katitaikina wala bakaliga. 
Yeigu makawala komwaidosi availa availa makateki bikaligasi. Ulo peula komwaidona bogwa leiwokuva. 
Yeigu bogwa lokusilavaigu oluwalaisi tokwaliga. Yeigu makawala matausina bogwa eikatumataisi e ikanukwenusi okasi laka, matausina yoku bogwa kulumwelavi wala, e gala wala gagabila bukupilasi. 
Yoku bogwa kulavaigu alʹo osikowala laka, e asisu olumoulela mesi saina kwedudubila deli kwaiwonaku. 
E m gibuluwa bogwa eitumkwaigu, e makawala kaisai ikatupilipilaigu. 
Yoku bogwa kuvigaki lubaigwa eisilavaigusi. Kuvigaki matausina ikasilalaigusi. Ikatubudokaigusi bwala e gala gagabila basakaula. 
Matagu bogwa eimama metoya agu mmayuyu. Mwa Guyau! Yam kwaitala kwaitala adoudou baisa yoku, e ayosali yamagu aninigada baisa yoku. 
Ki, ibodi bukuvagi kabutuvatusi paila tokwaliga? Ki, matausina bitokaiasi e biyakawolaimsi kaina? 
Ki, sitana ibigitonisi m mitakwai olumoulela laka? Kaina ilivalaisi m kimadagi oviluwela kaliga? 
Ki, kaina bogwa eigisaisi m kwabutuvatusi mapilana viluwela dubilikitakita, kaina eigisaisi m bobwailila mapilana si valu matausina totamwau? 
Mwa Guyau! Adou baisa yoku paila pilasi. Kaukwau kwaitala kwaitala aninigada baisa yoku. 
Mwa Guyau! Avaka paila kupakaigu? Avaka paila kutotubulokaigu? 
Igau otubovaugu e leima lagaila akougoli wala agu mmayuyu, deli avakatitaikina wala kaliga. Mokaila m mipuki bogwa eiyomami wowogu. 
M gidaleiya saina peula igimsisaigu, e m lewa saina nommayuyu ikikatumataigusi. 
Yam kwemwaidona m lewa itavinaigusi itapataigusi makawala sakala. E manosina lewa ikatuulaigusi ikatupataigusi goli. 
Yoku bogwa kuvigaki lubaigwa tatougu goli eisilavaigusi, e dudubila wala lavigaki kalogu.