SAM.
110.
Matauna Guyau iluki ulo guyau, “Kusili ogu kwakata tatoula wala bavigakaim bukukwalisau kam tilaula.” 
Guyau Yaubada bikatumkulovi m guyau metoya mapilana Saiyoni. Kawala, “Bukuguyoi kam tilaula.” 
Wa yam makwaina bukukwabilia deli kam tilaula, e m tomota bitugwalaisi titoulesi paila kabilia. E makawala igau bikikivi visiga saina numla, e makawala goli m totubovau bimakaiamsi wa koya kwebumaboma. 
Guyau bogwa eikatupewoli la biga katotila, e galaga bikatumapu nanola, “Yokula tolula tosivagasi odalela tolula Melikisedeki.” 
Guyau isisu om kwakata. Avai tuta bigibuluwa, bogwa bikalisuwoli gweguya. 
Bikamogi boda ituwoli ituwoli, e okawakali bikasewoki tomata. Bogwa bikalisuwoli gweguya ambaisa ambaisa ovalu watanawa. 
Matauna guyau bimom wa waya opapala keda, e bogwa bipeula wowola. Mapaila bogwa goli bitomgwaga.