SAM.
120.
Avai tuta laboda mwau, adou baisa Guyau, e matauna imapu ulo nigada. 
Mwa Guyau! Kukolaigu metoya matausina tosisasopa deli toubuwabu. 
Yokomi tosisasopa, avaka Yaubada bivigakaimi? E ammakawala bimipukwaimi? 
Bimipukwaimi metoya tokwabilia si kaiyala kaikikakata, deli goli pwanosi eikikapolu! 
Ulo sisu oluwalaimi makawala kala gaga bitasisu oluwalaisi mina Meseki, kaina oluwalaisi mina Kedara. 
Tuta kaduwonaku yeigu asisu deli matausina kukolosi vakota. 
Avai tuta balivala livalela vakota, matausinaga magisi wala kabilia.