SAM.
142.
Adou baisa Guyau paila pilasi. Yeigu akayubabai baisa matauna. 
Amiaki matauna komwaidona ulo takulukulu. E aluki matauna komwaidona agu mwau. 
Avai tuta magigu baligaim ulo peuloki, e matauna inikolibogwi avaka ibodi bavagi. Ammakadana yeigu aliloula, agu tilaula eikatupwanaisi agu sikula. 
Avai tuta agisi okaipapagu, gala wala abani availa bipilasaigu. Gala availa bikolaigu, e gala availa bivaulaigu. 
Mwa Guyau! Adou baisa yoku paila pilasi. E Guyau, yoku wala agu Tokwala. Kammwaleta wala yoku magigu ogu tuta tomomova. 
Kulagi ulo dou paila pilasi, paila nanogu kala mmayuyu eivakapusiaigu. Kukwatumovaigu metoya agu tilaula. Matausina saina mina papeula, e ikikalisauwaigusi wala. 
Kutanekwaigu metoya kala kaikai nanogu, e mapaila osi sigugula m tomota, yeigu baiyakawolaim, paila uula m bobwailila baisa yeigu.