KAVINAVINA.
5.
Mwa Guyau, kululuwai avaka bogwa leikaloubusi baisa yakamaisi. Kugisaimasi, deli kugisi ammakawala eiyomsilaimasi. 
Tomitawasi bogwa leiyoulisi komwaidona ma guguwasi; e gilagala bogwa eimilivalusi oma valusi. 
E tilaula bogwa leikatumataisi tumamaiasi, e baisa tuta inumaiasi kwabuya wala leisisuaisi. 
Kama sopisi bakamipumapusi wala; deli ma kaisi bakagigimwalasi wala paila ma kovasi. 
E bogwa lakasomatasi koukeula koni mwau, makawala ase deli kameli, mitaga gala wala sitana bitugwalaimasi paila bakavaiwasisi. 
E kamasi avaka bibodi bikamovaimasi bakalolosi wala Itipita toyo Asiria kaninigadasi. 
Tubumaiasi omitibogwa imitugagasi e bogwa leikaligasi, e tuta baisa yakamaisi kabudobodasi mmayuyu paila si mitugaga. 
Kama tokaraiwagasi tomotamavaka wala, makawala matausina ula, e gala wala availa gagabila bikolaimaisi metoya oyumasi matausina. 
Tokatumata idededilasi wala oma kwabilasi; e avai tuta bakalosi kanainevisi kamasi kauvisilagaisi wala ma momovasi. 
Molu wala ivigaki ibulokatuwolaimasi, uwomaisi kala kuluyuviyavi makawala kumkumla yuviyavila. 
E odabala Koya Saiyoni matausina iiyosisi ma kukovasi e imokaiasi; e valu kwaitala kwaitala olopola Yudia matausina ikominimanaisi litumaiasi vivila e imokaiasi. 
Iyosisi kama tokugwasi isipwaisi kaiyasi e ilasouyasi wa kai; e gala wala itemmalaisi kama tommoyasi. 
E ikominimanaisi tauwau tubovau bitutusi witi makawala ula si paisewa; e gugwadi tauwau bikikatakewasi kai deli wala si silubeibeu. 
E matausina tommoya gala wala tuvaila isisigugulasi okalapisilela valu, e matausina tubovau gala wala tuvaila iuwosibakusi. 
Mwasawa bogwa eitamwau kala pikowau metoya baisa yakamaisi. E ninamwau leikaimapu ma kaimwanasi. 
E vavagi makwaisina lakakamnimonaisi gala wala kwaitala kesa. Yakamaisi bogwa lakamitugagasi, mapaila tuta baisa bogwa bakadoumsi. 
Ma nanamsasi wala bogwa eibulokatuwolaimasi e gala gagabila bakagisimlilaisi avai vavagi paila mitilagimasi bogwa eivakasau mitamaisi, 
paila uula Koya Saiyoni eivilouwokuva deli eiviloububu, e ugiwagi bisusupwanasi wala inainevisi kʹasi olopola mavilouna viloudadaimi. 
Mitaga Guyau, yoku wala Guyau tosivagasi, e m guyau gala kala kalitutila. 
Mwa Guyau, avaka paila saina tuta kaduwonaku lokusilavaimasi? Ki, avai tuta tuvaila bukululuwaimasi? 
Guyau, kukwaimilivauwaimasi! Kukwaimilivauwaimasi bakawokaiamsi! Kukwaimilivau kama katububulasi makawala omitibogwa. 
E ammakawala lokupakaitulaimasi tuta gala wala biwokuva kaina? Ki, m gibuluwa gala isim kala kalitutila?