1 Sawuli wukikinina ti bavonda Etieni.

Tona lumbu kina batona yamisa ngolo Dibundu diba ku Yelusalemi. Baboso botula kaka bamvuala, bamana sasukusu mu zunga ki Yuda ayi ki Samali. 2 Batu baba kinzikanga mambu ma Nzambi bayenda zika Etieni ayi bandila ngolo. 3 Vayi Sawuli wuyamisa dibundu, wuba kotanga mu kadika nzo, mu kanga babakala ayi baketo ayi kuba loza mu nloko.

4 Vayi batu bobo basasukusu bayenda ndambu na ndambu, balonga mambu ma Nzambi. 5 Filipi wuyenda ku divula dimosi di Samali. Wulonga nsamu wu Klisto. 6 Nkangu wu batu, mu kithuadi kimosi, batamba bumboti matu mu mambu Filipi kaba kuba kamba bu banwa ayi bammona mu bikumu kaba vanganga. 7 Bila ziphevi zimbimbi ziyamikina mu mbembo yingolo bu ziba totuka mu batu bawombo makoka mawombo ayi batu bawombo baba ntiudika babeluka. 8 Khini yiwombo yiba mu divula dina.

9 Muaki tuamina mambu momo, mu divula beni muba mutu wumosi dizina diandi Simoni, wuba sadilanga mazi, ayi basi Samali baba siminanga mu diambu di mavanga mandi ; wukibieka mutu wu luvalu. 10 Batu boso, tona mu bana balezi ayi bakulutu, banwilukila ayi batuba ti :

—Mutu niawu niandi lulendo lu Nzambi, lolo luntedolongo “Lulendo lunneni”.

11 Banwilukila bila tona thama baba siminanga mu diambu di mazi mandi.

12 Vayi bu bawilukila Filipi bu kaba samunina Nsamu Wumboti wutedi Kipfumu ki Nzambi ayi wutedi dizina di Yesu Klisto ; babakala ayi baketo babotama. 13 Mamvandi Simoni wuwilukila ; bu kabotama buna wukala ayi Filipi mu zithangu zioso. Bu kamona mambu manneni ayi bikumu binneni biba vangamanga, buna wusimina ngolo.

14 Mu thangu bamvuala bobo baba ku Yelusalemi bu ziwa ti basi Samali batambula mambu ma Nzambi, baba fidisila Piela ayi Yowani. 15 Bu batula, baba sambidila muingi batambula Pheve Yinlongo, 16 bila buna yikulukidi ko kadi va mutu wumosi ; vayi mu dizina di Pfumu Yesu kaka babotimina. 17 Piela ayi Yowani babatetika mioko ayi batambula Pheve Yinlongo.

18 Vayi Simoni bu kamona ti Pheve yinlongo yivanunu mu thetokolo yi mioko mi bamvuala, buna wuba vana zimbongo ; 19 bosi wuba kamba :

—Bika luphana mamvama lulendo lolo muingi babo ndikuizatetika mioko batambula Pheve Yinlongo.

20 Vayi Piela wumvutudila :

—Bika wufua ngeyo ayi zimbongo ziaku bu wuyindudi sumba dikaba di Nzambi. 21 Kadi kuku ayi kadi ndambu wisi ko mu diambu diadi bila ntimaꞌaku wisi wululama ko va meso ma Nzambi. 22 Bika wubalula mavanga maku mambimbi, ayi sambila Pfumu muingi enati baka bubela mayindu ma ntimꞌaku malemvokolo. 23 Bila ndimmona ti kikhenene ayi masumu bidi yaku.

24 Buna Simoni wuvutula :

—Bika beno veka lusambila Pfumu muingi mambu momo lutubidi mabika kumbuila.

25 Buna bamana telimina Yesu Klisto kimbangi ayi longa Mambu ma Pfumu, Piela ayi Yowani bavutuka ku Yelusalemi. Balonga Nsamu wumboti mu mala mawombo ma Samali.

26 Mbasi yi Pfumu yikamba Filipi :

—Telama ! Yenda mu ndambu yi sude mu nzila yitonina ku Yelusalemi nate ku Ngasa ; nzila yikambulu batu. 27 Niandi wutelama ayi wuyenda. Tala muisi Etiopi wumosi wuba lundanga zimbongo ayi kiuka kioso ki ntinu wunketo wu Etiopi ; wuyiza ku Yelusalemi mu sambila. 28 Bu kaba mvutuka, wuvuanda mu Saleti* 8.28 Saleti : ditoma diba makalu muadi masengo ayi diba titukungu kuidi ziphunda. kiandi. Wuba tanga nkanda wu mbikudi Ezayi.

29 Pheve yikamba Filipi :

—Fikama ayi bakidila saleti yoyi. 30 Filipi wuzawula ; wunwa wulembo tangi nkanda wu mbikudi Ezayi ; buna wunyuvula :

—Wulembo sudika kuaku mambu momo wulembo tangi e ?

31 Mutu beni wumvutudila :

—Buevi ndenda kumasudikila enati mutu kakadi kutsudikisa mawu e ?

Bosi wuleba Filipi kakuma mu Saleti ayi wunleba kavuanda va ndambu andi.

32 Buku ki mambu kioki kaba tanga kiawu kiaki :

34 Buna nlundi wu kiuka ki ntinu wunketo wuyuvula Filipi :

—Wundemvukila ; wutsudikisa mu diambu di nani mbikudi kayolukila mambu mama e ? Mu diambu di niandi veka voti mu diambu di mutu wunkaka e ?

35 Filipi wutona yoluka, wutona kunsamunina mambu ma Yesu, tonina mu nkanda wowo.

36 Bu batatamana diata mu nzila, batula va buindi kinlangu. Buna nlundi wu kiuka ki ntinu wunketo wutuba :

—Tala nlangu wawu ! A mbi bi kukhakidika mu botama e ?

[ 37 Filipi wumvutudila :

—Enati wilukidi mu ntimꞌaku wumvimba buna wulenda kuaku botama !

Mutu beni wuvutula :

—Ndinwilukila ti Yesu Klisto niandi Muana Nzambi† 8.37 Buku kiaki kisi ko mu minkanda minkaka..]

38 Wuvana minsua mu telimisa Saleti. Filipi ayi nlundi wu kiuka ki ntinu wunketo, bawu buadi batibuka mu nlangu ; bosi Filipi wumbotika.

39 Bu batotuka mu nlangu, Pheve yi Pfumu yizimbisa Filipi, ayi nlundi wu kiuka ki ntinu wunketo kasia buela kummona ko. Vayi mutu beni wulandakana nzilꞌandi mu khini yiwombo.

40 Vayi Filipi wuyenda monikila ku Azoti. Bu kaviokila mu tsiwulonga Nsamu Wumboti mu mala moso momo kaviokila nate katula ku Sezali.