MINKUNGA.
93.
Yave weti yala, vueti nzitusu, Yave vueti nzitusu ayi wukivuatisidi zingolo. Nza yidi yikindusu dio ngui ; yilendi nikuka ko. 
Kundu kiaku ki Kipfumu kikibiekolo tona thama ; ngeyo widi tona mu zithangu zioso. 
Mimbu mifuemini, a Yave ; mimbu miwakisidi zimbembo ziawu, mimbu miwakikisidi mayo mawu mankumba. 
Lulendo viokila dumu ki minlangu minneni lulendo viokila bobo beti basa mimbi Yave lulendo kadi mu diyilu. 
Zinzengolo ziaku zidi zitelama dio ngui. Bunlongo bueti monisanga kitoko mu nzo aku, a Yave, mu bilumbu bikambulu tsukulu, a Yave.